တတိယအကြိမ်မြောက် အသေးစားစက်မှုလက်မှုနဲ့ မြန်မာ့ရိုးရာပန်း(၁၀)မျိုး လက်မှုအနုပညာ ထုတ်ကုန်ပစ္စည်း ပြပွဲ၊ ဈေးရောင်းပွဲကို ဒီဇင်ဘာလ (၂၂) ၇က်မှ စတင်ပြီး Mingalar Mandalay မှာ ကျင်းပပြုလုပ်နေတာ ဖြစ်ပါတယ်။ ပြပွဲဖွင့်ပွဲကိုတော့ မန္တလေးတိုင်းဒေသကြီး ၀န်ကြီးချုပ် ဒေါက်တာဇော်မြင့်မောင်နဲ့ အစိုးရအဖွဲ့ဝင်များ တက်ရောက်ဖွင့်လှစ်ပေးခဲ့ပါတယ်။စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာနရဲ့ ဦးဆောင်မှုနဲ့ အသေးစားစက်မှုလက်မှုလုပ်ငန်းဦးစီးဌာန က အသေးစားစက်မှုလက်မှုလုပ်ငန်း ဖွံ့ဖြိုးတိုးတက်လာစေရန်အတွက် အခုလိုပြပွဲကို ပြုလုပ်ရတာ ဖြစ်တယ်လို့ သိရပါတယ်။ဒီပြပွဲကို အသေးစားစက်မှုလက်မှု လုပ်ငန်းအချင်းချင်း အငယ်စား၊ အလတ်စား၊ အကြီးစား စက်မှု လုပ်ငန်းတွေနဲ့ ချိတ်ဆက်ဆောင်ရွက်နိုင်ဖို့၊ အသေးစားစက်မှုလက်မှု ထုတ်ကုန်တွေ ပြည်တွင်းပြည်ပ ဈေးကွက် ပိုမို ရရှိစေဖို့၊ နည်းပညာနဲ့ ငွေကြေးအရင်းအနှီး ရရှိရေး အထောက်အကူ ဖြစ်လာစေဖို့၊ မြန်မာ့ရိုးရာ လက်မှု အနုပညာ လုပ်ငန်းတွေ တိမ်ကောပပျောက်မှု မရှိစေဖို့နဲ့ ထိန်းသိမ်းမြှင့်တင်နိုင်ဖို့ ရည်ရွယ်ပြီး ကျင်းပတာ ဖြစ် တယ်လို့ အသေးစားစက်မှုလက်မှုလုပ်ငန်းဦးစီးဌာန ညွှန်ကြားရေးမှူး ဦးဆွေတင့် က ပြောပါတယ်။

အခုပြပွဲမှာ ဌာနမှာ မှတ်ပုံတင်ထားတဲ့ အသေးစားစက်မှုလက်မှု လုပ်ငန်းတွေ၊ သမ၀ါယမအသင်းတွေ၊ MSME လုပ်ငန်းတွေ၊ စားသောက်ကုန်၊ လူသုံးကုန်၊ အလှကုန်နဲ့ ပန်း(၁၀) မျိုး လက်မှုအနုပညာပစ္စည်းတွေပါဝင်တဲ့ ပြခန်းပေါင်း(၁၂၀) ကျော် ပါဝင်ပြသရောင်းချနေတာ ဖြစ်ပါတယ်။ဒီပြပွဲမှာ အသေးစားစက်မှုလက်မှုလုပ်ငန်းများ ဖွံ့ဖြိုးတိုးတက်ရေး အထောက်အကူပြုဆွေးနွေးပွဲတွေလည်း ပါဝင်မှာဖြစ်တယ်လို့သိရပါတယ်။ အခုလို ပြပွဲပြုလုပ်ပေးတဲ့အတွက် အသေးစား လုပ်ငန်းနဲ့ ထုတ်ကုန်တွေကို ပြည်သူတွေ သိရှိကာ လုပ်ငန်းအချင်းချင်း ချိတ်ဆက်ဆောင်ရွက်လာနိုင်ပြီး စံချိန်မှီ ထုတ်ကုန်တွေနဲ့ လုပ်ငန်းသစ်တွေ ပေါ်ထွက်လာစေမှာ ပြည်တွင်း ပြည်ပဈေးကွက်ထိုးဖောက်နိုင်ရေးကို အထောက်အကူ ရရှိစေမှာ ဖြစ်တယ်လို့ သေးစားစက်မှုလက်မှုလုပ်ငန်းရှင်အချို့ကပြောပါတယ်။အခုပြုလုပ်နေတဲ့ တတိယအကြိမ်မြောက် အသေးစားစက်မှုလက်မှုနဲ့ မြန်မာ့ရိုးရာပန်း(၁၀)မျိုး လက်မှုအနုပညာ ထုတ်ကုန်ပစ္စည်း ပြပွဲ၊ ဈေးရောင်းပွဲကို ဒီဇင်ဘာလ(၂၂)ရက်မှ (၂၄)ရက်နေ့အထိ(၃)ရက်ကြာကျင်းပပြုလုပ်နေတာ ဖြစ်တယ်လို့ သိရပါတယ်။

 

 

Related News