၁၀ကြိမ်မြောက် ပြုလုပ်ခဲ့တဲ့ မဟာမဲခေါင်ဒေသခွဲ စီးပွားရေးစင်္ကြံများဖိုရမ်ကို မြန်မာနိုင်ငံက အိမ်ရှင်အဖြစ် နေပြည်တော်မှာလက်ခံကျင်းပခဲ့တယ်လို့ သိရပါတယ်။ မဟာမဲခေါင်ဒေသခွဲ စီးပွားရေးစင်္ကြံများဖိုရမ်ကို မြန်မာနိုင်ငံကအိမ်ရှင်အဖြစ်ဒုတိယအကြိမ် လက်ခံကျင်းပခဲ့တာပါ။ မဟာမဲခေါင်ဒေသခွဲ စီးပွားရေးစင်္ကြံများဖိုရမ်ကို နေပြည်တော်မှာရှိတဲ့ M- Gallery Hotelမှာ ဒီဇင်ဘာလ ၁၃ ရက်က ပြုလုပ်ခဲ့တာဖြစ်ပြီး မဟာမဲခေါင်ဒေသခွဲအဖွဲ့ဝင်နိုင်ငံတွေဖြစ်တဲ့ မြန်မာ၊ ကမ္ဘောဒီးယား၊ တရုတ်၊လာအို၊ ထိုင်းနဲ့ ဗီယက်နမ်နိုင်ငံတို့က ကိုယ်စားလှယ်တွေ အပါအ၀င် အာရှဖွံ့ဖြိုးရေးဘဏ်နဲ့ မိတ်ဖက် အဖွဲ့အစည်းတွေက တာဝန်ရှိသူတွေ တက်ရောက်ခဲ့ကျတယ်လို့ သိရပါတယ်။

အခုပြုလုပ်ခဲ့တဲ့ ဖိုရမ်မှာ မဟာမဲခေါင်ဒေသခွဲ စီးပွားရေးစင်္ကြံများဖွံ့ဖြိုးတိုးတက်မှုအပေါ် အကဲဖြတ်သုံးသပ်တာတွေ၊တောင်မြောက်စီးပွားရေးစင်္ကြံအတွက် ကနဦးလေ့လာသုံးသပ်တာတွေနဲ့ မဟာမဲခေါင်ဒေသခွဲ E-Commerce လမ်းစဉ်အောင်မြင်ရေးတို့ အတွက်ဆွေးနွေးခဲ့ကြတယ်လို့ သိရပါတယ်။ ဒါ့အပြင် မြန်မာအပါအ၀င် မဟာမဲခေါင်ဒေသခွဲ အဖွဲ့ဝင်နိုင်ငံတွေဖြစ်တဲ့  ကမ္ဘောဒီးယား၊ တရုတ်၊လာအို၊ ထိုင်းနဲ့ ဗီယက်နမ်နိုင်ငံတို့အကြား ကျန်းမာရေးကဏ္ဍအတွက်ပူးပေါင်းဆောင်ရွက်မှုနဲ့ လုံခြုံစိတ်ချရတဲ့ လုပ်သား ရွှေ့ပြောင်းမှုတို့အတွက်လည်း ဆွေးနွေးခဲ့ကြတယ်လို့ သိရပါတယ်။ မဟာမဲခေါင်ဒေသခွဲ စီးပွားရေးစင်္ကြံများဖိုရမ်ကို ၂၀၀၈ခုနှစ်က စတင်ပြီး နှစ်စဉ်ကျင်းပခဲ့တာဖြစ်ပါတယ်။ မြန်မာနိုင်ငံအနေနဲ့တော့ ဒုတိယအကြိမ် အိမ်ရှင်အဖြစ် လက်ခံကျင်းပခဲ့တာဖြစ်ပြီး ၂၀၁၄ ခုနှစ်က ပြုလုပ်ခဲ့တဲ့ လေးကြိမ်မြောက် မဟာမဲခေါင်ဒေသခွဲ စီးပွားရေးစင်္ကြံများ ဖိုရမ်ကို မန္တလေးမြို့မှာလက်ခံကျင်းပခဲ့တယ်။

 

 

Related News