ဗိုလ်ချုပ်အောင်ဆန်းအတ္ထုပ္ပတ္တိရုပ်ရှင်ရိုက်ကူးထုတ်လုပ်နိုင်ရေးအတွက် အကယ်ဒမီလူမင်းက ဒါရိုက်တာအဖြစ် ပြောင်းလဲတာဝန်ယူရိုက်ကူးသွားမယ်လို့ သိရပါတယ်။ ဗိုလ်ချုပ်အောင်ဆန်းအတ္ထုပတ္တိရုပ်ရှင်ကို (၂၀၁၂)ခုနှစ်က ရိုက်ကူးဖို့စတင်ခဲ့တာဖြစ်ပြိး ဇာတ်ညွှန်းအတွက် (၂၀၁၃)ခုနှစ်မှာ ရုပ်ရှင်ပညာရှင်တွေ မြန်မာနိုင်ငံသမိုင်းပညာရှင်တွေ ပူးပေါင်းပြီး  ပင်မဇာတ်ညွှန်းကိုရေးသားခဲ့တယ်လို့ သိရပါတယ်။

ပင်မဇာတ်ညွှန်းက ကျယ်ပြန့်တာကြောင့်  လက်တွေ့ရိုက်မယ့် ရုပ်ရှင်ဇာတ်ညွှန်းကို ရေးသားဖို့ ဒါရိုက်တာမင်းထင်ကိုကိုကြီးကို တာဝန်ပေးခဲ့တာလို့သိရပါတယ်။ ဒါပေမယ့်  ဒါရိုက်တာမင်းထင်ကိုကိုကြီးအနေနဲ့ လက်ခံထားတဲ့ အနုပညာလုပ်ငန်းတွေကြောင့် ရိုက်ကူးဖို့ဇာတ်ညွှန်းကို အပြီးမသတ်နိုင်တဲ့ အခြေအနေဖြစ်ပေါ်ခဲ့တယ်လို့ သိရပါတယ်။ ဒါ့ကြောင့် အောက်တိုဘာ (၇)ရက်က အမျိုးသားက ဇာတ်ရုံမှာပြုလုပ်တဲ့ ဗိုလ်ချုပ်အောင်ဆန်းအတ္ထုပ္ပတ္တိ ရုပ်ရှင်ရိုက်ကူးထုတ်လုပ်ရေး လုပ်ငန်းကော်မတီ ဆဋ္ဌမအကြိမ် လုပ်ငန်းညှိနှိုင်းအစည်းအဝေးမှာ အကယ်ဒမီလူမင်းကို ဒါရိုက်တာအဖြစ် တာဝန်ခံရိုက်ကူးဖို့ ပြောင်းလဲတာဝန်ပေးခဲ့တယ်လို့ သိရပါတယ်။

ရေးသားထားပြီးဖြစ်တဲ့ ပင်မဇာတ်ညွှန်းကို အပြည်ပြည်ဆိုင်ရာ Copy Right ကိုလည်း တင်ပြပြီး ဖြစ်တယ်လို့ဆိုပါတယ်။ ဒီဇာတ်ညွှန်းကိုအခြေခံကာ ဇာတ်ညွှန်းပညာရှင်တွေနဲ့ ဆွေးနွေးပြီး နောက်ဆုံး ရိုက်ကူးမယ့် ဇာတ်ညွှန်းထွက်လာအောင် ပြင်ဆင်ရေးသားချိန်မှာပဲ လိုအပ်တဲ့ အချက်အလက်တွေကို သက်ဆိုင်ရာ ၀န်ကြီးဌာနအသီးသီးက ကြိုတင်ပြင်ဆင်မှုတွေ တစ်ပြိုင်နက်လုပ်ဆောင်သွားမယ်လို့ သိရပါတယ်။

ဇာတ်လမ်းရိုက်ကူး ပြသနိုင်ဖို့ကိုတော့ မူလကြေညာထားတဲ့အတိုင်း (၂၀၁၉)ခုနှစ်မှာရိုက်ကူးတည်းဖြတ်ရေးကိုအပြီးသတ် လုပ်ဆောင်သွားမှာဖြစ်ပြီး (၂၀၂၀)မှာရုံတင်ပြသနိုင်အောင် ဆောင်ရွက်သွားမယ်လို့ သိရပါတယ်။လက်ရှိမှာ ဗိုလ်ချုပ်အောင်ဆန်းအတ္ထုပ္ပတ္တိရုပ်ရှင်ရိုက်ကူးထုတ်လုပ်နိုင်ရေးအတွက် ရန်ပုံငွေသိန်းပေါင်း သောင်းတစ်ထောင် ကျော်ရှိနေပြီလို့ သိရပါတယ်။ 

 

 

Related News