မူးယစ်ဆေးဝါးနဲ့ စိတ်ကိုပြောင်းလဲစေတဲ့ဆေးဝါးတွေအကြောင်းကို လူငယ်တွေအနေနဲ့ သိရှိနားလည်ပြီး ရှောင်ကြဉ်နိုင်အောင် မူးယစ်ဆေးစွဲသူများ ပြန်လည်ထူထောင်ရေးအသင်း (မြန်မာ) ဗဟိုမှ မြန်မာနိုင်ငံကရာတေးအဖွဲ့နဲ့ ပူးပေါင်းပြီး မူးယစ်အသိပညာပေးဟောပြောပွဲကို ပြုလုပ်တာဖြစ်ပါတယ်။နွေရာသီကရာတေးသင်တန်းမှာ ကလေး၊ လူငယ်၊ လူလတ်ပိုင်းတွေအထိ လာရောက် သင်ကြားကြတာကိုတွေ့ရပါတယ်။ ကျောင်းသားလူငယ်တွေ၊ အားကစားအသိုင်းအ၀ိုင်း လူငယ်တွေကြားမှာ  စိတ်ကြွမူးယစ်ဆေးတွေနည်းလမ်းမျိုးစုံးနဲ့ ရောက်ရှိနေပုံတွေ၊ မူးယစ်ဆေးဝါး သုးံစွဲမှုကြောင့် ရရှိလာရတဲ့  အကျိုးအပြစ်တွေနှင့် လက်ရှိ လူငယ်များအကြား အသုံးများကြတဲ့ ကော်ရှူတာတွေရဲ့ ဆိုးကျိုးစတွေကို လူငယ်တွေသိအောင် ဟောပြောပို့ချသွားပါတယ်။နွေရာသီကရာတေးအားကစားသင်တန်းဆင်းပွဲမှာ ကလေးတွေနဲ့ ကလေးမိဘတွေပါ တက်ရောက်ကြတဲ့အတွက် မူးယစ်ဆေးဝါးဆိုးကျိုးအန္တရာယ်ကို သင်တန်းဆင်း ကလေးတွေနဲ့ မိဘတွေပါ သိရှိနားလည်အောင် မူးယစ်ဆေးစွဲသူများ ပြန်လည်ထူထောင်ရေးအသင်း (မြန်မာ) ဗဟိုအနေနဲ့ အခုလို မူးယစ်အသိပညာပေးဟောပြောပွဲကို ပူးတွဲ ပြုလုပ်ပေးတာဖြစ်ပါတယ်။

အခုလို ကလေးတွေနဲ့ ကလေးမိဘတွေကိုပါ မူးယစ်ဆေးဝါးနဲ့ ပတ်သက်ပြီး မသိသေးတဲ့ ဆောင်ရန်၊ ရှောင်ရန်တွေကို လာရောက် ဟောပြောပို့ချပေးတဲ့အတွက်  ကလေးမိဘတစ်ဦးလည်း အခုလိုပြောပါတယ်။မူးယစ်ဆေးစွဲသူများ ပြန်လည်ထူထောာင်ရေးအသင်း(မြန်မာ)ဗဟိုမှ ကရာတေးအားကစား အဖွဲ့ကို ပထမဆုံးအကြိမ် ပညာပေးဟောပြောမှု စတင်ပြုလုပ်တာဖြစ်ပြီး အခြားအားကစား အဖွဲ့ချုပ်တွေမှ ဆက်သွယ်လာရင်လည်း ဟောပြောကူညီပေးသွားမယ်လို့ သိရပါတယ်။

 

 

Related News