ရန်ကုန်နောက်ဖေးလမ်းကြားဥယျာဉ်စီမံချက်နဲ့  ပန်းပဲတန်းမြို့နယ် ဗိုလ်ဆွန်ပက်လမ်းကြားမှာ ရှိတဲ့ ရှေးဟောင်းဓာတ်ပုံတွေကို ချိတ်ဆွဲတဲ့ နောက်ဖေးလမ်းကြားကို ဧပြီလ(၈) ရက်ကဖွင့်လှစ်ခဲ့တာဖြစ်ပါတယ်။
ပန်းပဲတန်းမြို့နယ်(၃၁)လမ်းနဲ့ ဗိုလ်ဆွန်ပက်လမ်းကြား အလယ်ဘလောက်မှာရှိတဲ့ နောက်ဖေးလမ်းကြားကို ဒို့အိမ်အဖွဲ့က ဦးဆောင်ပြီးပြုလုပ်ခဲ့တာဖြစ်ပြီး ရန်ကုန်အပါအ၀င် တစ်နိုင်ငံလုံးမှာရှိတဲ့ သမိုင်းဝင်ရှေးဟောင်းဓါတ်ပုံတစ်ရာကျော်ကို ပြသထားတာဖြစ်ပါတယ်။

ရှေးဟောင်းဓာတ်ပုံတွေကိုပြသတာက အများပြည်သူတွေအနေနဲ့ ရှေးဟောင်းသမိုင်းဝင် ဓာတ်ပုံတွေကို သိရှိစေရန်နဲ့ တန်ဖိုးထားတတ်စေရန်ရည်ရွယ်ပြီး ပြုလုပ်တာဖြစ်တယ်လို့ သိရပါတယ်။အခုပြသထားတဲ့ ရှေးဟောင်းဓာတ်ပုံလမ်းမှာ အများပြည်သူတွေနားနေနိုင်ရန်နဲ့ ပန်းပဲတန်းမြို့နယ် အတွင်းမှာရှိတဲ့ စကိတ်စီးရတာ ၀ါသနာပါတဲ့သူတွေအတွက်လည်း စကိတ်ကွင်း ပါဝင်တယ်လို့ သိရပါတယ်။စကိတ်ကွင်းကို မနက် (၉) နာရီကနေ ည (၈) နာရီခွဲအထိဖွင့်လှစ် ထားတာဖြစ်ပါတယ်။အခုဖွင့်လှစ်လိုက်တဲ့ နောက်ဖေးလမ်းကြားဥယျာဉ်ရှေးဟောင်းဓာတ်ပုံလမ်းကို တတိယအကြိမ်မြောက် ဖွင့်လှစ်တာဖြစ်ပြီး နောက်ပိုင်းမှာလည်း ဒို့အိမ်အဖွဲ့ကဦးစီးပြီးပြုလုပ်တဲ့ နောက်ဖေးလမ်းကြားစီမံချက်နဲ့(၂၀၁၈) ခုနှစ်အတွင်းမှာ နောက်ဖေးလမ်းကြား အလှဆင်တာတွေ လုပ်ဆောင်သွားရန်ရှိတယ်လို့သိရပါတယ်။

 

 

Related News