မတ်လ(၈)ရက်နေ့မှာကျရောက်ခဲ့တဲ့ ကမ္ဘာ့အပြည်ပြည်ဆိုင်ရာအမျိုးသမီးများနေ့ အခမ်းအနား ကို မတ်လ(၁၀)ရက်က  New Lighting ဖောင်ဒေရှင်းခန်းမမှာ ၀ိမုတ်္တိအမျိုးသမီးအဖွဲ့က ကျင်းပခဲ့တာဖြစ်ပါတယ်။
 
၁၉၈၀ ခုနှစ်မှာ အမေရိကန်ပြည်နယ်၊ နယူးယောက်မြို့မှာရှိတဲ့ အထည်ချုပ်စက်ရုံမှ အမျိုးသမီးတွေဟာ သူတို့ရဲ့အလုပ်ချိန်တွေ လျှော့ချဖို့၊ လစာတိုးပေးဖို့နဲ့ မဲပေးခွင့်ရရှိစေဖို့အတွက် ဆန်္ဒပြတောင်းဆိုခဲ့ကြရာမှ အပြည်ပြည်ဆိုင်ရာအမျိုးသမီးများနေ့ ဖြစ်တည်လာဖို့ အစပြုခဲ့တာ ဖြစ်ပါတယ်။
 
ပထမဆုံးအကြိမ် အပြည်ပြည်ဆိုင်ရာအမျိုးသမီးများနေ့ကို ၁၉၁၀ ခုနှစ် မတ်လ(၁၉) ရက်နေ့မှာကျင်းပခဲ့တာဖြစ်ပြီး၊ ၁၉၇၅ ခုနှစ်မှစတင်ကာ မတ်လ(၈)ရက်နေ့ကို ကမ္ဘာ့အပြည်ပြည် ဆိုင်ရာ အမျိုးသမီးများနေ့ အဖြစ် တသမတ်တည်း သတ်မှတ်ကျင်းပ ခဲ့ကြတာဖြစ်တယ်လို့ သိရပါတယ်။
 
မြန်မာနိုင်ငံမှာ အပြည်ပြည်ဆိုင်ရာအမျိုးသမီးများနေ့ကို ၂၀၀၇-၂၀၀၈ ခုနှစ်မှာ စတင်ကျင်းပခဲ့ကြတာ ဖြစ်ပြီး၊ ၀ိမုတ်္တိအမျိုးသမီးအဖွဲ့မှ အမျိုးသမီးတွေရဲ့ လူ့အခွင့်ရေးအပြည့်အ၀ ရရှိစေဖို့နဲ့ အမျိုးသမီးများကို အမျိုးသားများနဲ့ တန်းတူစွမ်းဆောင်နိုင်စေဖို့ အတွက် အခုလိုအပြည်ပြည်ဆိုင်ရာအမျိုးသမီးများနေ့ကို ကျင်းပတာဖြစ်တယ်လို့ သိရပါတယ်။
 
မတ်လ(၈)ရက်နေ့မှာကျရောက်ခဲ့တဲ့ အပြည်ပြည်ဆိုင်ရာအမျိုးသမီးများနေ့ကို နိုင်ငံပေါင်း(၂၈) နိုင်ငံမှာတော့ အစိုးရရုံးပိတ်ရက်အဖြစ် သတ်မှတ်ထားတာဖြစ်ပြီး၊ အမေရိကန်မှာ မတ်လကို အမျိုးသမီးသမိုင်းလလို့ သတ်မှတ်ထားကြတာဖြစ်တယ်လို့ သိရပါတယ်။
 
 
 
 

Related News