(၂၀၁၈)ခုနှစ် စတုတ္ထအကြိမ်မြောက် ရန်ကုန်မြို့တော်ဝန်ဖလား အိမ်မွေးခွေးအလှပြပွဲ ပြိုင်ပွဲကို မတ်လ(၂၃)ရက်မှ (၂၇)ရက်အထိ ရွှေတိဂုံဘုရားအရှေ့ဘက်မုဒ်ရှိ ကန်တော်ကြီး ပုလဲမဟာမြိုင်ပန်းခြံမှာ ပြုလုပ်သွားမှာဖြစ်ပါတယ်။ပြပွဲမှာ အိမ်မွေးတိရစာ်္ဆန်မျိုးကောင်းမျိုးသန့် တင်သွင်းထုတ်လုပ်ရောင်းချသူများ၊ ဆေးဝါးအသုံး အဆောင်ပစ်္စည်းများReady Made Dog Foodနှင့် Cat Food အသားဗူးအစရှိတဲ့ အစားအစာများ တင်သွင်းထုတ်လုပ်ရောင်းချသူများ၊ အလှမွေးငါးအမျိုးမျိုးပြခန်း၊အပါအ၀င် အရောင်း ဆိုင်ခန်း (၂၀) ပါဝင်ပြသသွားမှာဖြစ်ပါတယ်။ ဒါ့အပြင် အိမ်မွေးခွေးအမျိုးအစားအလိုက် အုပ်စု (အကြီး၊အလတ်၊အသေး)ခွဲခြားထားပြီး အုပ်စုတစ်စုမှာ Adult နှင့် Puppy အဆင့်(၂)ဆင့်နဲ့ စုစုပေါင်းပြိုင်ပွဲ (၆)မျိုးယှဉ်ပြိုင်သွားရမှာဖြစ်တယ်လို့ သိရပါတယ်။

ဆုများအနေနဲ့ ပြိုင်ပွဲတစ်မျိုးလျှင် ပထမဆု (၃)သိန်းကျပ်၊ဒုတိယဆု (၂)သိန်းကျပ်၊တတိယဆု(၁)သိန်းကျပ်၊နှစ်သိမ့်ဆု (၂)ဆုကို ငွေကျပ် (၅)သောင်းစီနဲ့ ရန်ကုန်မြို့တော်ဝန် အထူးဆု (၈)သိန်းကျပ် ချီးမြှင့်ပေးသွားမှာဖြစ်ပါတယ်။ ပြိုင်ပွဲအမျိုးအစားတစ်မျိုးလျှင် လျှောက်လွှာတစ်စောင်ကို ငွေကျပ် (၁၀၀၀)နှုန်း ပေးသွင်းရမှာဖြစ်ပြီး ပြိုင်ပွဲဝင်အိမ်မွေးခွေးရဲ့ အလှဓါတ်ပုံ၊ကာကွယ်ဆေးထိုးမှတ်တမ်း၊ဌာန၏ အိမ်မွေးခွေးမှတ်ပုံတင် မိတ္တူတို့နဲ့ ပူးတွဲတင်ပြရမှာဖြစ်ပါတယ်။ပြိုင်ပွဲဝင်လျှောက်လွှာပုံစံတွေကို တိရစ္ဆာန်ဆေးကုနှင့် သားသတ်ရုံများဌာန၊ နီးစပ်ရာ Pet Shop  ၊ တိရစ္ဆာန်ဆေးကုခန်းနှင့်သားသတ်ရုံဌာနတွေမှာ အခမဲ့ရယူ၍ အချက်အလက်ပြည့်စုံစွာ ဖြည့်စွက်ပြီး ကုန်သည်လမ်း၊ဗိုလ်တထောင်မြို့နယ်YCDC ရုံးသစ်အဆောက်အဦး (၆)လွှာရှိ တိရစ္ဆာန်ဆေးကုနှင့်သားသတ်ရုံဌာနမှာ မတ်လ(၁၆)ရက်မှာ စတင်ပြီး ရုံးချိန်အတွင်းလာရောက် လျှောက်ထားနိုင်တယ်လို့ သိရပါတယ်။ ပြိုင်ပွဲနဲ့ပတ်သက်ပြီး အသေးစိတ်သိရှိလိုပါက ဖုန်းနံပါတ် ၀၉-၇၃၂၅၀၅၁၀ ၊၀၉-၅၁၅၃၁၁၈ ကို ဆက်သွယ်မေးမြန်း နိုင်တယ်လို့ သိရပါတယ်။

 

 

Related News