ရတနာမြေလူမှုဖွံ့ဖြိုးရေးအသင်းမှာဦးစီးပြီး  အေးချမ်းသာယာရေး ပညာပေး ဆွေးနွေးပွဲဖိုရမ်ဖြစ်တဲ့Peace Education Forum ကို ဖေဖော်ဝါရီလ (၁၃)မှ (၁၅)ရက်ထိ ရန်ကုန်မြို့ရှိတဲ့ City Star Hotel 
မှာပြုလုပ်နေတာဖြစ်ပါတယ်။ အေးချမ်းသာယာရေး ပညာပေးဆွေးနွေးပွဲဖိုရမ် ဖြစ်တဲ့ Peace Education Forum  ကို ဘာသာရေးအခြေပြု ပညာရေးသင်တန်းကျောင်းများမှ မြန်မာနိုင်ငံမှာမှီတင်းနေထိုင်ကြတဲ့ ပြည်သူ၊ 
ပြည်သားများ အတူယှဉ်တွဲ နေထိုင်ရေး၊ သဟဇာတဖြစ်ရေးနဲ့အေးချမ်းစွာ လက်တွဲ နေထိုင်နိုင်ရေးအတွက် ပြုလုပ်နေတာ ဖြစ်တယ်လို့ ပြောပါတယ်။
 
ဘာသာရေးအခြေပြု ပညာရေးသင်တန်းကျောင်းများရဲ့ ဘာသာဝင်များဖြစ်တဲ့ ဗုဒ္ဓဘာသာ၊ ခရစ်ယာန် ဘာသာ၊ ဟိန္ဓူဘာသာနဲ့ အစ္စလန်ဘာသာဝင်များဟာ မြန်မာနိုင်ငံဝန်ကြီးဌာနမှ ကိုယ်စားလှယ်များ၊ NGOအဖွဲ့စည်းများနဲ့ ချိတ်ဆက်ပြီး အတွေ့ကြုံများနဲ့ နည်းပညာများဖလှယ်နိုင်တဲ့ ဘာသာရေးအခြေပြုကွန်ရက်တစ်ရပ်ပေါ်ပေါက် လာစေရန်နဲ့ အလှူရှင်အဖွဲ့စည်းများ၊ အစိုးရနှင့် အစိုးရမဟုတ်သောအဖွဲ့စည်းများထံမှ နည်းပညာများနဲ့ ရန်ပုံငွေ အစရှိတဲ့ ပံ့ပိုးမှုများရရှိစေရန် အခုလိုပညာပေးအစီစဉ်ကိုပြုလုပ်နေတာဖြစ်တယ်လို့ ပြောပါတယ်။
 
ဒါ့အပြင် ငြိမ်းချမ်းရေးအတွက် လက်ရှိပညာရေးသင်ကြားမှုကဏ္ဍမှာ သက်ဆိုင်ရာ ဘာသာများအပြင် ငြိမ်းချမ်းစွာအတူယှဉ်တွဲနေထိုင်ရေး၊ ဘာသာတစ်ခုနဲ့ တစ်ခု ပူးပေါင်းဆောင်ရွက်ပြီး တိုင်းပြည်ဖွံ့ဖြိုး တိုးတက် စေရန်အတွက် အနာဂတ်လူငယ်များရဲ့ ပညာရေးသင်ကြားမှုကဏ္ဍမှာလည်း ဘာသာပေါင်းစုံငြိမ်းချမ်းစွာ အတူယှဉ်တွဲနေထိုင်ရေးကို ပါဝင်သင်ကြားစေလိုတဲ့ ရည်ရွယ်ချက်နဲ့ Peace Education Forum ပြုလုပ်တာဖြစ်တယ်လို့ ပြောပါတယ်။
 
 
 

Related News