ဆီးချိုနှင့်ကင်ဆာရောဂါအကြောင်း ဆွေးနွေးနိုင်မည့် ကျန်းမာရေးဆိုင်ရာပြပွဲကို ဖေဖော်ဝါရီလ ၁၆ မှ ၁၈ ရက်အထိ ကျင်းပသွားမယ်လို့ သိရပါတယ်။အခုပြုလုပ်သွားမယ့်  ကျန်းမာရေးဆိုင်ရာ ပြပွဲမှာ 
ဆီးချိုနှင့်ကင်ဆာရောဂါတွေအကြောင်း တိုင်ပင်ဆွေးနွေးနိုင်ပြီး ဒီရောဂါတွေကို စမ်းသပ် စစ်ဆေးမှုတွေကို တစ်ပါတည်းပြုလုပ်နိုင်မည့် အစီအစဉ်တွေပါဝင်တာ လည်းဖြစ်ပါတယ်။ဒီကျန်းမာရေးဆိုင်ရာပြပွဲမှာ ဆီးချိုရောဂါနှင့်ပတ်သက်ပြီး အသိပညာပေးတာတွေ၊ ရောဂါနှင့် ပတ်သက်ပြီး တိုင်ပင်ဆွေးနွေးတာတွေအပြင် စမ်းသပ်စစ်ဆေးတာတွေလည်း ပြုလုပ်သွား နိုင်မယ်လို့သိရပြီး  ဆီးချိုရောဂါနဲ့ ပတ်သက်လို့ အသိပညာပေးတာတွေကိုတော့ မြန်မာနိုင်ငံ ဆီးချို။ သွေးချိုရောဂါအသင်းက  ဦးဆောင်ပြီး ပြုလုပ်သွားမှာ ဖြစ်တယ်လို့ သိရပါတယ်။
 
မြန်မာနိုင်ငံမှာ ကျန်းမာရေးနဲ့အညီနေထိုင်မှုတွေနည်းလာတာကြောင့် ဆီးချိုရောဂါ ဖြစ်ပွားနိုင်မှုမှာလည်း များနေတယ်လို့ ပြောပါတယ်။ဒါ့အပြင် ပြပွဲနောက်ဆုးံရက်မှာလည်း ကင်ဆာရောဂါနှင့် ပတ်သက်တဲ့  ခံတွင်းကင်ဆာ၊ ရင်သားကင်ဆာနှင့် သားအိမ်ခေါင်းကင်ဆာ တွေကိုလည်း စမ်းသပ်စစ်ဆေးတာတွေအပြင် အသိပညာပေးတာတွေ လုပ်ဆောင်သွား မှာလို့ ဆိုပါတယ်။ ဆီးချို ရောဂါနဲ့ ပတ်သက်လို့ အသိပညာပေးတာတွေကို မြန်မာနိုင်ငံ ဆီးချို ။ သွေးချို အသင်းက လုပ်ဆောင်သွားမှာဖြစ်ပြီး ကင်ဆာရောဂါ နှင့် ပတ်သက်ပြီး ရွှေရောင်နှင်းဆီ ဖောင်ဒေးရှင်း ဦးစီးပြီး စမ်းသပ်စစ်ဆေးတာနှင့် အသိပညာပေးတာတွေကို ပြုလုပ်သွားမှာပါ။
 
ပြပွဲကိုတော့ မြန်မာနိုင်ငံ ဆေးနှင့်ဆေးပစ္စည်း ကုန်သည်များနှင့် လုပ်ငန်းရှင်များ အသင်းက ကြီးမှူးကျင်းပတာဖြစ်ပြီး အခုလိုပြပွဲတွေကို ၂ နှစ်တစ်ကြိမ်ပြုလုပ်လေ့ရှိတယ်လို့ သိရပါတယ်။အခုပြသမယ့် ပြပွဲမှာတော့ ဆေးနှင့်ဆေးပစ္စည်းဆိုင်ရာ တင်သွင်းရောင်းချသူများနှင့် ဆေးရုံ ၀န်ဆောင်မှုလုပ်ငန်းတွေကို ပြခန်းပေါင်း ၁၂၀ မှာ ပြသသွားမှာဖြစ်ပါတယ်။
 
 
 

Related News