မဟာဂီတသီချင်းများမပျောက်ပျက်ဖို့ အမျိုးသားယဉ်ကျေးမှုနှင့်အနုပညာတက္ကသိုလ်မှာစနစ်တကျ လေ့ကျင့် သင်ကြားမှုတွေပြုလုပ်ပေးနေတယ်လို့ သိရပါတယ်။ တတိယနှစ်မှာတော့ အထူးပြုဘာသာရပ် အဖြစ်ရွေးချယ်စေပြီး စနစ်တကျသင်ကြားပေးနေတာပါ။
 
ဒီလိုသင်ကြားရာမှာ တတိယနှစ်မှာ (၁)ဦး၊ တတိယနှစ်ဂုဏ်ထူးတန်းမှာ (၄)ဦးနဲ့ စတုတ္ထနှစ်မှာ(၂)ဦးကို ဆရာ၊ဆရာမ (၅)ဦးကစနစ်တကျ သင်ကြား ပေးနေတယ်လို့သိရပါတယ်။ ဒီမဟာဂီတ သီချင်းတွေဟာ ပြည်သူတွေကြားမှာ သိရှိမှုနည်းနေတာကြောင့် အခြေခံ ပညာကျောင်းတွေမှာ သင်ကြားပေးနိုင်ဖို့နဲ့ ရေဒီယိုတွေ၊ ရုပ်သံအစီအစဉ်တွေမှာ အစီအစဉ်များအဖြစ် ထုတ်လုပ်ရိုက်ကူးကာ ခေတ်လူငယ်များ သိရှိဖို့ကို လုပ်ဆောင်နိုင်ဖို့ကိုလည်း မျှော်လင့်နေတယ်လို့ အမျိုးသားယဉ်ကျေးမှုနှင့် အနုပညာတက်္ကသိုလ် (ရန်ကုန်)မှ ဂီတပညာရပ်ဆရာမတစ်ဦးက ပြောပါတယ်။
 
ဂီတပညာပထမနှစ်မှာတော့ အခြေခံကြိုးသီချင်းတွေ သင်ကြားပေးနေပြီး ဒုတိယ နှစ်မှာတော့ ဘွဲ့သီချင်း၊ ပတ်ပျိုးလေး၊သီချင်းခန့်အစရှိတာတွေ၊ တတိယနှစ်မှာတော့ တေးထပ်၊ဒိန်းသံ၊ဘောလယ် အစရှိတာတွေ၊ ပတ်ပျိုးလတ်၊မွန်သီချင်း အစရှိတဲ့ သောတသီချင်းတွေကို သင်ကြားပေးနေတယ်လို့ သိရပါတယ်။ မဟာဂီတသီချင်းကြီးတွေကို ဒီနှစ်မှာတော့ မဟာတန်းစတင်ဖွင့်လှစ်ပြီး ၀စန လင်္ကာရသီချင်းများ ကို သင်ကြားသွားမှာ ဖြစ်တယ်လို့သိရပါတယ်။
 
 

Related News