ရန်ကုန်တိုင်းဒေသကြီးအတွင်းက သြဂဲနစ်စိုက်ပျိုး ထုတ်လုပ်သူတွေဟာ ဈေးကွက်အတွင်း ပိုမိုထုတ်လုပ်ရောင်းချနိုင်ရေးအတွက် ဆွေးနွေးညှိနှိုင်းခဲ့ကြပြီး ရန်ကုန်တိုင်းဒေသကြီး သြဂဲနစ်သီးနှံစိုက်ပျိုး ထုတ်လုပ်သူများ အသင်းကို ဇန်န၀ါရီလ (၁၃)ရက်က ပြန်လည်ဖွဲ့စည်းလိုက်ပါတယ်။ ဒီအသင်းကို အရင်နှစ်များကတည်းက ဖွဲ့စည်းထားခဲ့တာဖြစ်ပြီး အခုအချိန်မှာတော့ လစ်လပ်နေတဲ့ အဖွဲ့ဝင်တွေ နေရာကို အစားထိုးနိုင်ဖို့နှင့် သြဂဲနစ်သီးနှံများ ပိုမိုထုတ်လုပ်နိုင်ပြီး ဈေးကွက်အတွင်း ဈေးသက်သာစွာ ဖြန့်ဖြူးနိုင်ရေးအတွက် ပြန်လည်ဖွဲ့စည်းခဲ့တယ်လို့ မြန်မာနိုင်ငံသြဂဲနစ်စိုက်ပျိုး ထုတ်လုပ်သူများ အသင်းကတာဝန်ရှိသူက ပြောပါတယ်။
 
တစ်န်ိုင်ငံလုံးမှာ မြန်မာနိုင်ငံသြဂဲနစ် စိုက်ပျိုးထုတ်လုပ်သူများအသင်းမှာ အသင်းဝင် (၃၀၀)ကျော်ရှိနေပြီး ရန်ကုန်တိုင်းဒေသကြီးအတွင်းမှာတော့ အသင်းဝင် (၅၀) နီးပါးရှိနေတာပါ။လက်ရှိမှာတော့ ရန်ကုန်တိုင်းဒေသကြီး သြဂဲနစ်စိုက်ပျိုးထုတ်လုပ်သူများ အသင်းအနေနဲ့ နည်းပညာ ဖြန့်ဝေတာနဲ့  သြဂဲနစ်သီးနှံတွေအကြောင်း အသိပညာပေးတာတွေ လုပ်ဆောင်ပေးနေပြီး အသင်းအနေနဲ့ ဆက်လက်လုပ်ဆောင်သွားမည့် ကဏ္ဍကတော့ ဈေးကွက်ဖော်ဆောင်ရေးဖြစ်တယ်လို့ ပြောပါတယ်။ မြန်မာနိုင်ငံရဲ့ လူဦးရေ(၁၀)ရာခိုင်နှုန်းလောက်ဟာ ရန်ကုန်တိုင်းဒေသကြီးအတွင်းမှာ နေထိုင်နေကြပြီး ပြည်သူတွေ အန္တရာယ်ကင်းကင်း စားသုးံနိုင်ရေးအတွက် ရန်ကုန်တိုင်းဒေသကြီး သြဂဲနစ်စိုက်ပျိုးထုတ်လုပ်သူများ အသင်းအနေနဲ့ ကြိုးပမ်းဆောင်ရွက်နေတယ်လို့ အသင်းတာဝန်ရှိသူက ပြောပါတယ်။
 
ဒီရန်ကုန်တိုင်းဒေသကြီး သြဂဲနစ်စိုက်ပျိုးထုတ်လုပ်သူများ အသင်းကို သြဂဲနစ် စိုက်ပျိုးရေးကို စိတ်ပါဝင်စားသူများနှင့် စိုက်ပျိုးထုတ်လုပ်လိုတဲ့ တောင်သူများလည်း အသင်းဝင်ရောက်နိုင်ပြီး အသင်းအနေနဲ့ သြဂဲနစ်စိုက်ပျိုးရေးနှင့် ပတ်သက်တဲ့ နည်းပညာတွေကို သင်တန်းပို့ချတာတွေနဲ့ နည်းပညာဖြန့်ဖြူးရေးတွေကို ဦးစားပေးလုပ်ကိုင်နေတယ်လို့ ပြောပါတယ်။ သြဂဲနစ် စိုက်ပျိုးရေးနည်းပညာသင်တန်းကို ရန်ကုန်မြို့ နာနတ်တောလမ်း၊ ပြည်ရိပ်မွန်အိမ်ရာ၊ တိုက် ၇ ၊ အခန်း၎ မှာ ဖွင့်လှစ်သင်ကြားပေးနေတယ်လို့ သိရပါတယ်။ 
 
 
 

Related News