မြန်မာနိုင်ငံရုပ်ရှင်အစည်းအရုံး အမှုဆောင်ဟောင်းမှ အမှုဆောင်သစ်များသို့ တာဝန်လွှဲပြောင်း ပေးအပ်ပွဲ အခမ်းအနားကို ဒီကနေ့အောက်တိုဘာ(၆)ရက်မှာ မြန်မာနိုင်ငံရုပ်ရှင်အစည်းအရုံးမှာ ကျင်းပခဲ့ပါတယ်။ မြန်မာနိုင်ငံရုပ်ရှင်အစည်းအရုံးမှာ အမှုဆောင်တာဝန်ထမ်းဆောင်ခဲ့တဲ့ အမှုဆောင်ဟောင်းတွေ အနေနဲ့ အရင်ကလုပ်ဆောင်ခဲ့တဲ့ လုပ်ငန်းတွေနဲ့လုပ်ဆောင်ဆဲဖြစ်တဲ့ လုပ်ငန်းတွေကို တာဝန် လွှဲပြောင်းပေးအပ်ခဲ့တယ်လို့ သိရပါတယ်။
 
ဒါ့အပြင်ရုပ်ရှင်အစည်းအရုံးရဲ့ ဘဏ်စာအုပ်၊ ငွေကြေးစာရင်းရှင်းတမ်းများအားလုံးအပါအ၀င် ရုပ်ရှင်အစည်းအရုံးရဲ့ပိုင်ဆိုင်မှုအားလုံးကိုလဲ အမှုဆောင်ဟောင်းများမှ အမှုဆောင်သစ်တွေဆီကို လွှဲပြောင်းပေးအပ်ခဲ့တယ်လို့ သိရပါတယ်။အမှုဆောင်သစ်တွေအနေနဲ့ တာဝန်လွှဲပြောင်းမှုများအပြီးမှာတော့ အမှုဆောင်များနဲ့ ညှိနှိုင်း အစည်းအဝေးများပြုလုပ်ကာ ရှေ့ဆက်လုပ်ငန်းများ ဆက်လက်လုပ်ဆောင်သွားတော့မှာ ဖြစ်တယ်လို့ သိရပါတယ်။ဒါ့အပြင် ရုပ်ရှင်အစည်းအရုံးပိုင်ဖြစ်တဲ့ ပြင်ဦးလွင်မှာရှိတဲ့ ဧက(၂၀)ရုပ်ရှင်ခြံနဲ့ ရန်ကုန်တိုင်း ဒေသကြီး လှည်းကူးမြို့နယ်မှာရှိတဲ့ ဧက(၂၀၀)ခြံတို့ကို ရုပ်ရှင်စတူဒီယိုအဖြစ် တည်ဆောက်နိုင်ဖို့ ကိုလည်း ဆက်လက်လုပ်ဆောင်သွားမှာ ဖြစ်တယ်လို့သိရပါတယ်။မြန်မာနိုင်ငံရုပ်ရှင်အစည်းအရုံးရဲ့အမှုဆောင်သစ်အနေနဲ့ သက်တမ်း(၃)နှစ်တာဝန် ထမ်းဆောင် ရမှာဖြစ်တယ် လို့သိရပါတယ်။
 
 

Related News