အရှေ့တောင်အာရှဒေသတွင်း ကလေးသူငယ်ဆိုင်ရာ ဗီဒီယိုပြိုင်ပွဲအစီအစဉ်တစ်ခုဖြစ်သည့် South East Asia Prix Jeunesse Video Festival (SEAPJ) အား ဖိလစ်ပိုင်နိုင်ငံ၊ မနီလာမြို့တွင် နိုဝင်ဘာလအတွင်း ပထမဆုံးအကြိမ် ကျင်းပပြုလုပ်သွားမည် ဖြစ်ရာ ပြိုင်ပွဲမှာ ပညာရှင်အဆင့်၊ အပျော်တမ်းအဆင့် (အသက် ၁၈ နှစ်အထက်)၊ ကလေးသူငယ်အဆင့် (အသက် ၁၈ နှစ်အောက်) အဆင့် ၃ ဆင့် ခွဲခြား ထားပြီး ပြိုင်ပွဲအမျိုးအစား (၁၀)မျိုး သတ်မှတ်ထားပြီး SEAPJ ပြိုင်ပွဲအား Pride in self , Pride in Family , Pride in Traditions ခေါင်းစဉ်များနဲ့အညီ ပြိုင်ပွဲများကို ကျင်းပသွားမည်ဖြစ်ကြောင်း သိရှိရသည်။ပြိုင်ပွဲစည်းကမ်းသတ်မှတ်ချက်များအနေနှင့် ပညာရှင်အဆင့်ပြိုင်ပွဲဝင်သူများသည် ရုပ်သံ Channel တစ်ခုခုတွင် ၂၀၁၆ ခုနှစ်၊ ဇန်န၀ါရီလမှ ၂၀၁၇ ခုနှစ် အောက်တိုဘာလအတွင်း ပြသထားပြီး ဖြစ်သည့် မိနစ် ၃၀ ထက် မပိုသော ကလေးသူငယ်ဆိုင်ရာ Video Clips များကို ၀င်ရောက်ယှဉ်ပြိုင်နိုင်ပြီး၊ ရွေးချယ်ခံရပါက ၁၅ မိနစ်စာ ပြန်လည်တည်းဖြတ် တင်ပြရမည် ဖြစ်သည်။
 
အပျော်တမ်းအဆင့် ပြိုင်ပွဲဝင်များသည် အသက် ၁၈ နှစ် အထက်ရှိရမှာဖြစ်ပြီး၊ ရုပ်။သံလွှင့် လုပ်ငန်း များမှာ လုပ်ကိုင်နေသူများ ပါဝင်ယှဉ်ပြိုင်ခွင့်မရှိပါ၊ ထို့အပြင် ပြည်တွင်း (သို့မဟုတ်) နိုင်ငံတကာ Video ပြိုင်ပွဲများမှာ အသိအမှတ်ပြု ဆုရရှိဖူးသည့် Video Clip များ ထပ်မံ ယှဉ်ပြိုင် ခွင့်မရှိဘဲ ၁၅ မိနစ်ထက် မပိုသည့် ကလေးသူငယ်ဆိုင်ရာ Video Clip များဖြင့်သာ ပါဝင်ယှဉ်ပြိုင် နိုင်မည်ဖြစ်သည်။ ကလေးသူငယ်အဆင့် ပြိုင်ပွဲကို အသက် ၈ နှစ်မှ ၁၇ နှစ် အတွင်းရှိသူ ပြိုင်ပွဲဝင်များ ပါဝင် ယှဉ်ပြိုင်နိုင်ပြီး ကြာမြင့်ချိန် ၅ မိနစ်ထက်မပိုသည့် ကလေးသူငယ်ဆိုင်ရာ ရုပ်သံအစီအစဉ်၊ Video Clip များအား ပါဝင်ယှဉ်ပြိုင်နိုင်ကြောင်း ရိုက်ကူးထုတ်လုပ်မှု ၇၅ ရာခိုင်နှုန်းကို ပြိုင်ပွဲဝင်သူ ကိုယ်တိုင်ပြု လုပ်ရမှာ ဖြစ်ပြီး၊ Post Production အပိုင်းတွင် ပညာရှင်များနှင့် ကျွမ်းကျင်သူများ၏ အကူအညီ တောင်းခံနိုင်ကြောင်း၊ နောက်ဆုံးအဆင့်ထိ ရွေးချယ်ခံ ရပါက အစီအစဉ် ထုတ်လုပ်မှုလုပ်ငန်းစဉ် (Production Process) တစ်ခုလုံးကို ရှင်းပြနိုင်ရမည် ဖြစ်ကြောင်းသိရှိရသည်။ 
 
ပြိုင်ပွဲဝင် ဗီဒီယိုများသည်  Resolution မြင့်မားရန်လိုအပ်ပြီး၊ Format အနေဖြင့် mp4, avi or mpegတို့ဖြင့် ပေးပို့နိုင်ပါကြောင်း၊ီDocumentary, Animation, Comedy, Drama, Biographies, Shorts, MTVs  စသည့် အမျိုးအစားများဖြင့် ယှဉ်ပြိုင်နိုင်ပါကြောင်း၊ မိမိနိုင်ငံမှ ကလေးသူငယ်များရဲ့ အပြု အမူ။ လှုပ်ရှားမှုအားလုံးကို ဖော်ပြနိုင်ကြောင်း၊ မိမိနိုင်ငံ၏ အထင်ကရနေရာများ၊ ဘာသာရေးပွဲတော် များကိုလည်းထည့်သွင်းဖော်ပြနိုင်ကြောင်း၊ ပြိုင်ပွဲဝင်သူအားလုံးဟာ Cell Phone,  Digital Camera, Mobiles Phones, Tablets, Video  Cameras, Sport Cameras  စသည်ဖြင့်  Professional မဟုတ်သည့် ပစ္စည်းများနှင့်လည်းရိုက်ကူးထုတ်လုပ်နိုင်ပြီး လူ့အခွင့် အရေးကြေညာစာတမ်းတွင် ပါဝင်သည့် အချက်အလက်များအား ချိုးဖောက်ပါက ပြိုင်ပွဲဝင်အဖြစ် လက်ခံမည် မဟုတ်ကြောင်း သိရှိရသည်။
 
ပြိုင်ပွဲဝင်သူအားလုံးသည် မိမိသက်ဆိုင်ရာဘာသာစကားဖြင့် ရိုက်ကူးနိုင်သော်လည်း ပဏာမ ရွေးချယ်ခံရပါက English Subtitle  ပြုလုပ်ပေးရန်လိုအပ်ကြောင်း၊ ပြိုင်ပွဲဝင်လျှောက်လွှာများကို မြန်မာ့အသံနှင့်ရုပ်မြင်သံကြား(ပြည်လမ်း) ရန်ကုန်၊ မြန်မာ့အသံနှင့်ရုပ်မြင်သံကြား (နေပြည်တော် တပ်ကုန်း) နှင့် ပြိုင်ပွဲကျင်းပရေးကော်မတီ၏ အီးမေးလ်  seapjmyanmar@gmail.com သို့ ဆက်သွယ် ရယူနိုင်ပြီး ပြိုင်ပွဲဝင်လျှောက်လွှာများအား ၂၀၁၇ ခုနှစ် အောက်တိုဘာလ ၁၅ ရက်နေ့ နောက်ဆုံး ထားပြီး မြန်မာ့အသံနှင့်ရုပ်မြင်သံကြား ရန်ကုန်နှင့် နေပြည်တော်တပ်ကုန်း ရုံးများသို့ လူကိုယ်တိုင်ဖြစ်စေ မြန်မာ့အသံနှင့် ရုပ်မြင်သံကြား နေပြည်တော်တပ်ကုန်း ဖုန်းနံပါတ် ၀၆၇ ၇၉၃၇၄ နှင့် အီးမေးလ် seapjmyanmar@gmail.com  မှတစ်ဆင့်ဖြစ်စေ ပြန်လည် ပေးပို့ ပါဝင်ယှဉ်ပြိုင်နိုင်ကြောင်းနှင့် အသေး စိတ်သိရှိလိုပါက www.seaprixjeunesse.com  နှင့် www.facebook.com/ Seapjmyanmar တွင် ၀င်ရောက်လေ့လာနိုင်ပြီး မြန်မာ့အသံနှင့် ရုပ်မြင်သံကြား နေပြည်တော်တပ်ကုန်း ဖုန်းနံပါတ် ၀၆၇ ၇၉၃၇၄ နှင့် အီးမေးလ် seapjmyanmar@gmail.com  သို့ ဆက်သွယ် စုံစမ်းနိုင်ကြောင်း သတင်းရရှိသည်။
 
 
 

Related News