မြန်မာ-ဗီယက်နမ်နှစ်နိုင်ငံကြား ယဉ်ကျေးမှုအနုပညာရပ်များကို ပိုမိုဖွံ့ဖြိုးတိုးတက် စေရန်ကျင်းပ ပြုလုပ်တဲ့ မြန်မာ-ဗီယက်နမ်ပန်းချီပြပွဲကို ၀င်ကြေးအခမဲ့နဲ့ ရန်ကုန်မြို့ ပြည်လမ်းမှာရှိတဲ့အမျိုးသားပြတိုက်မှာ စက်တင်ဘာလ(၁၇)ရက်မှ (၂၂)ရက်အထိ ကျင်းပပြုလုပ်နေ ပါတယ်။ မြန်မာ-ဗီယက်နမ်နှစ်နိုင်ငံကြားယဉ်ကျေးမှုဖလှယ်ရေးပန်းချီပြပွဲမှာတော့ ဗီယက်နမ်နိုင်ငံမှ ပန်းချီဆရာ အယောက်(၂၀)ပါဝင်ရေးဆွဲထားတဲ့ ပန်းချီကား(၂၉)ကားနဲ့ မြန်မာနိုင်ငံမှ ပန်းချီဆရာ(၁၀)ဦးတို့ရဲ့ပန်းချီကား(၂၃)ကား စုစုပေါင်း ပန်းချီကားပေါင်း(၅၂)ကား ပါဝင်ပြသနေတာဖြစ်ပါတယ်။ မြန်မာ-ဗီယက်နမ် နှစ်နိုင်ငံမှပန်းချီ ဆရာတွေအနေနဲ့ ကိုယ့်ဒေသ၊ ကိုယ့်စိတ်ကူးတွေကို ကိုယ်ပိုင်ဟန်နဲ့လွတ်လပ်စွာပုံဖော်ရေးဆွဲထားတာဖြစ်တယ်လို့ ပြပွဲကိုလာရောက် ကြည့်ရှုသူ ပန်းချီဆရာများမှအခုလိုသုံးသပ်ပြောထားပါတယ်။ အဆိုပါပန်းချီပြပွဲမှာတော့ မြန်မာနိုင်ငံနဲ့ဗီယက်နမ်နိုင်ငံမှ ပန်းချီဆရာတွေအနေနဲ့ မိမိနိုင်ငံရဲ့ ယဉ်ကျေးမှု၊ သဘာဝရှုခင်းများ၊ ရိုးရာဓလေ့ဟန်များ အစရှိတဲ့ပန်းချီလက်ရာတွေကို ကိုယ်ပိုင်ဟန်နဲ့ လွတ်လပ်စွာပုံဖော်ရေးဆွဲထားတာဖြစ်တာကြောင့် ပေးချင်တဲ့ရသမြောက်တဲ့ပန်းချီပြပွဲဖြစ်တယ်လို့လည်း ပြပွဲကိုလာရောက်ကြည့်ရှုသူပန်းချီဝါသနာရှင်များမှလည်းအခုလိုပြောပါတယ်။ အခုပြုလုပ်တဲ့ပန်းချီပြပွဲကတော့ တတိယအကြိမ်မြောက် မြန်မာ-ဗီယက်နမ် နှစ်နိုင်ငံကြား ယဉ်ကျေးမှုအနုပညာရပ်ဖလှယ်ရေးပန်းချီပြပွဲဖြစ်တယ်လို့သိရပါတယ်။ 
 
 

Related News