မြန်မာဝတ္ထုတိုရာပြည့် ရက်သတ္တပတ်ပွဲကို စိတ်ကူးချိုချိုစာအုပ်တိုက်က စီစဉ်ပြီး မြန်မာစာပေ အဖွဲ့အစည်းများ၊ စာပေပညာရှင်များ ပါဝင်ကာ Yangon Book Plaza မှာ ပြုလုပ်ကျင်းပသွားမှာ ဖြစ်တယ်လို့သိရပါတယ်။ ၁၉၁၇ ခုနှစ်မှစတင်ခဲ့သော ၀တ္ထုတိုတွေရဲ့ ရာပြည့်ခရီး ကို ဂုဏ်ပြုသောအားဖြင့် မြန်မာ ၀တ္ထုတို ရာပြည့် ရက်သတ္တပတ်ပွဲကို ပြုလုပ်သွားမှာဖြစ်တယ်လို့သိရပါတယ်။ မြန်မာဝတ်္ထုတို ရာပြည့်ရက်သတ္တပတ်ပွဲကို လာမယ့် စက်တင်ဘာလ (၃၀)ရက်မှ အောက်တိုဘာလ (၆)ရက်ထိ တစ်ပတ်ကြာပြုလုပ်မှာဖြစ်တယ်လို့သိရပါတယ်။
 
မြန်မာဝတ္ထုတို ရာပြည့် ရက်သတ္တပတ်ပွဲ ပြုလုပ်နေတဲ့နေ့တွေမှာ မြန်မာစာပေ အဖွဲ့အစည်း များဖြစ်တဲ့ ပန်မြန်မာ၊ မန္တလေးဝတ္ထုတိုဆရာ၊ ဆရာမများ၊ မြန်မာစာရေးဆရာကလပ်၊ မြန်မာနိုင်ငံ စာရေးဆရာသမဂ္ဂ၊ မြန်မာနိုင်ငံစာပေးပြန့်ပွားရေးအသင်း၊ မြန်မာနိုင်ငံ ကဗျာဆရာသမဂ္ဂ၊ မြန်မာနိုင်ငံ စာရေးဆရာအသင်းတို့က၊ စာတမ်းဖတ်ပွဲ အစီအစဉ်တွေလည်း ပြုလုပ်သွားမယ်လို့ သိရပါတယ်။မြန်မာဝတ္ထုတို ရာပြည့်ရက်သတ္တပတ်ပွဲကို လာရောက်သူတွေကိုတော့ မြန်မာဝတ္ထုတိုနှင့် ရာပြည့်ခရီး စာအုပ်ကို အခမဲ့ဝေငှ ပေးသွားမယ်လို့ သိရပါတယ်။ စာအုပ်တိုက်အသီးသီးမှ ထွက်ရှိထားတဲ့ စာအုပ်တွေကိုလည်း မြန်မာဝတ္ထုတို ရာပြည့်ရက်သတ္တပတ်ပွဲ ကျင်းပတဲ့နေ့တွေမှာ ဈေးလျှော့ချရောင်းချပေးသွားမယ်လို့ သိရပါတယ်။
 
 

Related News