မြန်မာ ဗီယက်နမ် နှစ်နိုင်ငံစုပေါင်းပြီး လက်တွေ့ရေးဆွဲထားတဲ့ ပန်းချီကားတွေကို မေလ ၂၅ ရက်ကမြန်မာ ပလာဇာမှာပြသခဲ့ပြီး အကောင်းဆုံးပန်းချီကားရေးဆွဲသူတွေကို  ဂုဏ်ပြုခဲ့ပါတယ်။မြန်မာနိုင်ငံနဲ့ ဗီယက်နမ်နိုင်ငံတို့စုပေါင်းပြီး နှစ်နိုင်ငံရဲ့ယဉ်ကျေးမှုဖလှယ်ဖို့အတွက် ရည်ရွယ်တဲ့ လက်တွေ့ပန်းချီရေးဆွဲပြီး ဆုပေးခြင်းကို ပြုလုပ်တာ ပထမဆုံးအကြိမ်ဖြစ်တယ်လို့ သိရပါတယ်။ နှစ်နိုင်ငံ ပေါင်းစည်းပြီးပန်းချီရေးဆွဲ ဆုပေးရာမှာတော့ မြန်မာနိုင်ငံကအကောင်းဆုံးပန်းချီကားဆုကို ဒေါ်စန္ဒာဝင်းထွန်းကရရှိခဲ့ပြီး ဗီယက်နမ်နိုင်ငံက အကောင်းဆုံးပန်းချီကားဆုကို Mr.Vu Quoc Dzung(ဗုကွက်စ်ဓေါင်းဇ)ကရရှိခဲ့တာဖြစ်ပါတယ်။

ဆုရရှိခဲ့တဲ့ ပန်းချီကားတွေဟာ ဗီယက်နမ်နိုင်ငံကအမျိုးသမီးငယ်ပုံနဲ့ မြန်မာနိုင်ငံက ရွှေတိဂုံစေတီတော်ပုံတို့ကိုရေးဆွဲထားတာဖြစ်ပြီး ပန်းချီကား နှစ်ချပ်လုံးကို အခရိုင်းလစ် အမျိုးအစားနဲ့ ရေးဆွဲထားတာဖြစ်တယ်လို့ သိရပါတယ်။ ယခုလိုဂုဏ်ပြုဆုပေးအပ်တာဟာ နှစ်နိုင်ငံရဲ့အနုပညာတွေကိုထင်ဟပ်စေတာကြောင့်ဖြစ်တယ်လို့ ပြောပါတယ်။အိမ်နီးချင်းနိုင်ငံတွေနဲ့ စုပေါင်းပြီးပန်းချီရေးဆွဲခြင်းပြုလုပ်တာဟာ ယခင်က ထိုင်းနိုင်ငံနဲ့ ပြုလုပ်ခဲ့ဖူးပြီး ဆုပေးခြင်းအစီအစဉ်ပြုလုပ်တာကတော့ ဒါ ပထမအကြိမ်ဖြစ်တယ်လို့သိရပါတယ်။ ယခုလို ပန်းချီလက်တွေ့ရေးဆွဲခြင်းတွေ ပြုလုပ်တာဟာ ပန်းချီအထူးပြုကျောင်းသားတွေနဲ့ ဆရာတွေအတွက် လက်ရာကောင်းတွေကို ပိုမို ရရှိစေပြီး အတွေ့အကြုံသစ်တွေကိုလည်းရရှိတယ်လို့ သိရပါတယ်။

 

 

Related News