မြန်မာနိုင်ငံလယ်ယာစီးပွားရေးအများပိုင်ကော်ပိုရေးရှင်းလီမိတက်(MAPCO)ဦးစီးလုပ် ဆောင်ပြီး MAPCO GOLDEN LACE  ကုမ္မဏီကနေ ရင်းနှီးမြုပ်နှံတည်ဆောက်ထားတဲ့ ခေတ်မှီဆန်စက် ၊ သိုလှောင်ရုံများ ၊ အခြောက်ခံစက်များနှင့် စပါးခွံမှ လျှပ်စစ်ဓါတ်အားထုတ်စက်တွေပါဝင်တဲ့ MAPCO GOLDEN LACE စက်ရုံဖွင့်ပွဲကို မေလ (၁၅) ရက်က ဧရာဝတီတိုင်းဒေသကြီး၊ ဖျာပုံခရိုင်၊ ကျိုက်လတ်မြို့နယ်မှာ ပြုလုပ်ခဲ့ပါတယ်။ 

MAPCO GOLDEN LACE ကုမ္မဏီဟာ MAPCO ကနေ အစုရှယ်ယာ ၅၅ % နဲ့ ရွှေဇာခြည် (Golden Lace  )ဘက်မှ အစုရှယ်ယာ ၄၅ % ထည့်ဝင်တည် ထောင်ထားတာပါ။MAPCO GOLDEN LACE ကုမ္မဏီအနေနဲ့ မြန်မာနိုင်ငံရင်းနှီးမြုပ်နှံမှု ကော်မရှင်ကနေခွင့်ပြုချက်ရယူထားပြီး စီမံကိန်းပထမအဆင့်အနေနဲ့ တန် (၂၄၀) ဆန်စက် ၊  တန် (၂၀၀) ပေါင်းဆန်စက် ၊ တန် ( ၅၀၀ ) ဆိုင်လို (၄) လုံး ၊ အခြောက်ခံစက်များ ၊ ဘွိုင်လာ တာဘိုင် ၊ ရေနွေးငွေ့စနစ်အခြေခံပြီး ၂.၂ မဂ်္ဂါဝပ် လျှပ်စစ်ထုတ်စက်တွေပါဝင်တယ်လို့ သိရပါတယ်။

MAPCO GOLDEN LACE စက်ရုံဟာ မြေဧရိယာ အကျယ်အ၀န်း (၃၀) ဧကပေါ်မှာ တည်ဆောက်ထားတာဖြစ်ပြီး စီမံကိန်းပထမအဆင့်အတွက် ရင်းနှီးမြုပ်နှံမှု ကျပ်ငွေ ( ၁၂.၁၅ ) ဘီလီယံရှိတယ်လို့ သိရပါတယ်။ ဒါ့အပြင်ကုမ္မဏီအနေနဲ့ ဖျာပုံခရိုင်အတွင်း တောင်သူတွေနဲ့လည်း အကျိုးတူလယ်ယာစနစ်ပူးပေါင်းမှုတွေ လုပ်ဆောင်မယ်လို့ သိရပါတယ်။

ဒါ့အပြင်လျှပ်စစ်ထုတ်လုပ်မှုအနေနဲ့လည်း (၂.၂)မဂ်္ဂါဝပ်အထိ ထုတ်လုပ်မှာဖြစ်ပြီး စက်ရုံအတွက်သာမကဘဲ အနီးနားကျေးရွာတွေမှာပါ ဓါတ်အားဖြန့်ဖြူးသွားမယ်လို့ သိရပါတယ်။MAPCO GOLDEN LACE ကုမ္မဏီကနေ ဒုတိယအဆင့်စီမံကိန်းအနေနဲ့ ဖွဲနုဆီစက် ၊ တိရိစ္ဆာန်အစားအစာစက် ၊ ဆန်မှုန့် ၊ ဆန်ခေါက်ဆွဲ ၊ ဆန်ကြာဇံ ထုတ်လုပ်ရေးစနစ်များကို တိုးချဲ့ဆောင်ရွက်သွားမယ်လို့ သိရပါတယ်။ ဒီစက်ရုံဖွင့်ပွဲကို နိုင်ငံတော်ဒုတိယသမ္မတ ဦးဟင်နရီဗန်ထီးယူ နဲ့ တာဝန်ရှိသူတွေ တက်ရောက်ခဲ့ကြပါတယ်။ 

 

Related News