ဇွန်လ(၈)ရက်ကထွက်ရှိတဲ့(၂၀၁၉)ခုနှစ်တက္ကသိုလ်ဝင်စာမေးပွဲအောင်စာရင်းမှာမန္တလေးတိုင်းဒေသကြီးက အောင်ချက် (၃၆.၁၃) ရာခိုင်နှုန်းရရှိတယ်လို့မန္တလေးတိုင်းဒေသကြီးပညာရေးမှူးရုံးတာဝန်ရှိသူထံကသိရပါတယ်။(၂၀၁၉)ခုနှစ်မတ်လကမြန်မာတစ်နိုင်ငံလုံးဖြေဆိုခဲ့ကြတဲ့တက္ကသိုလ်ဝင်စာမေးပွဲကိုမန္တလေးတိုင်းဒေသကြီးကစာစစ်ဌာန(၂၀၃)ခုမှာဖြေဆိုသူကျောင်းသား(၁သိန်း၁သောင်း)ကျော်ဖြေဆိုခဲ့ကြပြီး (၄သောင်း၃ထောင်)ကျော် အောင်မြင်ခဲ့ပါတယ်။အောင်စာရင်းတွေကိုဇွန်လ(၈)ရက်ကထုတ်ပြန်ပေးခဲ့တာဖြစ်ပြီးနိုင်ငံခြားကဖြေဆိုမှုမှာအောင်ချက်(၄၆.၂၂)ရာခိုင်နှုန်းရှိခဲ့ပြီး အောင်ချက်အများဆုံးတိုင်းဒေသကြီးနဲ့ပြည်နယ်မှာ မွန်ပြည်နယ်က(၃၇.၅၄)ရာခိုင်နှုန်းနဲ့ ပထမ၊ မန္တလေးတိုင်းဒေသကြီးက(၃၆.၁၃)ရာခိုင်နှုန်းနဲ့ဒုတိယအောင်ချက်အများဆုံးဖြစ်ခဲ့တယ်လို့ သိရပါတယ်။

ယခုနှစ်မှာမန္တလေးတိုင်းဒေသကြီးကဂုဏ်ထူးရရှိသူ(၆၉၂၀)ဦးရှိခဲ့ပြီး(၆)ဘာသာဂုဏ်ထူးရှင်(၂၂ဝ)ဦး၊(၅)ဘာသာဂုဏ်ထူးရှင်(၄၉၀)ဦး၊(၄)ဘာသာဂုဏ်ထူးရှင်(၆၂၁)ဦး၊(၃)ဘာသာဂုဏ်ထူးရှင်(၆၇၃)ဦးနဲ့(၂)ဘာသာဂုဏ်ထူးရရှိသူရှင်(၁၀၀၀)ထောင်ကျော်နဲ့(၁)ဘာသာဂုဏ်ထူးရှင်(၃၀၀၀)ကျော်ရှိတယ်လို့သိရပါတယ်။မန္တလေးတိုင်းဒေသကြီး ပြီးခဲ့တဲ့နှစ်က ထက်အောင်ချက်ကျခဲ့ပေမယ့်  ဂုဏ်ထူးရရှိမှုတိုးတက်ခဲ့ပြီးတိုင်းဒေသကြီးနဲ့ပြည်နယ်အားလုံးမှာ ဘာသာစုံဂုဏ်ထူးရှင် အများဆုံးဖြစ်တယ်လို့ သိရပါတယ်။(၂၀၁၉)ခုနှစ်တက္ကသိုလ်ဝင်စာမေးပွဲအောင်စာရင်းကိုတစ်နိုင်ငံလုံးအတိုင်းအတာနဲ့သက်ဆိုင်ရာစာစစ်ဌာန ကျောင်းအသီးသီးမှာဇွန်လ(၈)ရက်ကထုတ်ပြန်ခဲ့ပြီးမန္တလေးတိုင်းဒေသကြီးအတွင်းရှိစာစစ်ဌာနကျောင်းတွေမှာမနက်(၆) နာရီအချိန်မတိုင်ခင်ကမိဘအုပ်ထိန်းသူများနဲ့ကျောင်းသားကျောင်းသူတွေများလာရောက်ကြည့်ရှုခဲ့ကြပါတယ်။(၂၀၁၉)ခုနှစ်တက္ကသိုလ်ဝင်စာမေးပွဲကိုမြန်မာတနိုင်ငံလုံးစာစစ်ဌာန(၁၈၀၀)ကျော်မှာကျောင်းသား(၈သိန်း၅သောင်း) ကျော်ဖြေဆိုခဲ့ပြီးအောင်မြင်သူ(၂သိန်း၆သောင်း)ကျော်ရှိခဲ့ကာတစ်နိုင်ငံလုံးအနေနဲ့အောင်ချက်ရာနှုန်း(၃၁.၄၄)ရာခိုင်နှုန်းရှိခဲ့တယ်လို့သိရပါတယ်။

 

 

Related News