(၄၇)ကြိမ်မြောက် မြန်မာနိုင်ငံကျန်းမာရေးဆိုင်ရာ သုတေသနညီလာခံကို ဇန်န၀ါရီလ(၇)ရက်ကနေ (၁၁)ရက်အထိ ပြုလုပ်နေပြီး ညီလာခံရဲ့ အခန်းကဏ္ဍတစ်ခုဖြစ်တဲ့ ကျန်းမာရေးဆိုင်ရာ သတင်းအချက်အလက်အခြေပြုမူဝါဒချမှတ်မှု စွမ်းရည်မြှင့်တင်ရေး စာတမ်းဖတ်ပွဲကို ဇန်န၀ါရီလ (၉)ရက်က ဒဂုံမြို့နယ် ဆေးသုတေသန ဦးစီးဌာနမှာပြုလုပ်ခဲ့ပါတယ်။ဆွေးနွေးပွဲကို ကျန်းမာရေးစီမံချက်တွေမူဝါဒချမှတ်ရေးမှာ ကျန်းမာရေးသတင်းအချက် အလက်တွေ၊အညွှန်းကိန်းများပေါ်မှာ အခြေခံတဲ့ မူဝါဒများချမှတ်နိုင်စေရန် စတဲ့ရည်ရွယ်တွေနဲ့ကျင်းပတာဖြစ်ပါတယ်။

အခုပြုလုပ်တဲ့ ဆွေးနွေးပွဲကနေ ကျန်းမာရေးနှင့်အားကစားဝန်ကြီးဌာနနဲ့ မိတ်ဖက်အဖွဲ့အစည်းတွေမှ ကျန်းမာရေးစောင့်ရှောက်ပေးမှု၊ မူဝါဒချမှတ်သူတွေ၊သုတေသန ဆောင်ရွက်သူတွေနဲ့ ကျန်းမာရေးနှင့်အားကစားဝန်ကြီးဌာနမှ ပညာရှင်တွေက ကျန်းမာရေးသတင်းအချက်အလက်တွေရဲ့အရေးပါပုံတွေကို သိရှိနိုင်မှာဖြစ်တယ်လို့သိရပါတယ်။ကျန်းမာရေးဆိုင်ရာ သတင်းအချက်အလက်အခြေပြုမူဝါဒချမှတ်မှုစွမ်းရည်မြှင့်တင်ရေးဆွေးနွေးမှု(Data to Policy)ကို  ရန်ကုန်တိုင်းဒေသကြီး ဆေးသုတေသနဦးစီးဌာနမှာ ပထမအကြိမ်ကျင်းပတာဖြစ်ပြီး အဆိုပါလုပ်ငန်းစဉ် ကို ၂၀၁၆ ခုနှစ်က စတင်ခဲ့တာဖြစ်တယ်လို့ သိရပါတယ်။

 

 

Related News