၂၀၁၉ ခုနှစ် တက္ကသိုလ်ဝင်စာမေးပွဲ စာစစ်ဌာနကြီးကြပ်ရေးမှူးများ၊ တွဲဖက်ကြီးကြပ်ရေးမှူးများ၊ လက်ထောက်ကြီးကြပ် ရေးမှူးများနှင့် စာဖြေသူများလိုက်နာရန် စည်းကမ်းချက်များဆိုင်ရာဆွေးနွေးပွဲကို ဒီဇင်ဘာလ ၂၂ရက်နဲ့ ၂၃ရက်က မန္တလေးမြို့ အမှတ်(၁၄) အခြေခံပညာ အထက်တန်းကျောင်း မှာ ပြုလုပ်ခဲ့ပါတယ်။မြန်မာနိုင်ငံမှာ အခြေခံပညာအထက်တန်းကျောင်းပေါင်း(၁၅၀၀)ကျော်ရှိတာဖြစ်ပြီး အထက်တန်းကျောင်းခွဲတွေနဲ့ဆို အထက်တန်းကျောင်းပေါင်း (၄၀၀၀)နီးပါရှိတယ်လို့ သိရပါတယ်။ တက္ကသိုလ်ဝင်စာမေးပွဲဖြေဆိုမယ့် ကျောင်းသား၊ ကျောင်းသူတွေ တိုးလာတာအမျှ စာစစ်ဌာနတွေလည်းတိုးလာတယ်လို့ဆိုပါတယ်။

တက္ကသိုလ်ဝင်စာမေးပွဲ ကြီးကြပ်ရေးမှူး ဆွေးနွေးပွဲပြုလုပ်တာဟာ ဆရာ၊ ဆရာမတွေအနေနဲ့ နှစ်စဉ်ပိုမိုကျွမ်းကျင်လာစေဖို့ သူတို့ကိုယ်တိုင်လေ့လာထားတဲ့ အချက် အလက်တွေ အတွေ့အကြုံတွေပေါင်းစပ်နိုင်စေဖို့၊ ကြီးကြပ်ရေးမှူးတစ်ယောက်အနေနဲ့ ကျောင်းသား၊ ကျောင်းသူတွေ စာမေး ပွဲဖြေဆိုရာမှာအခက်အခဲမရှိ ဖြေဆိုနိုင်စေဖို့အတွက် လုပ်ဆောင်ပေးရာမှာ လိုအပ်တဲ့အခန်းကဏ္ဍကပါဝင်တာကြောင့် ဆွေးနွေးပွဲပြုလုပ်တာဖြစ်တယ်လို့ ပြောပါတယ်။ဆွေးနွေးပွဲကို ရန်ကုန်မှာလည်းပြုလုပ်ခဲ့တာဖြစ်ပြီး ယခုမန္တလေးမှာ ဒုတိယအကြိမ်ပြုလုပ်တာဖြစ်ပါတယ်။ နေပြည်တော် မှာလည်း ထပ်မံပြုလုပ်သွားမှာဖြစ်တယ်လို့ သိရပါတယ်။

ဒီဆွေးနွေးပွဲမှာ မန္တလေးတိုင်းဒေသကြီး၊ စစ်ကိုင်းတိုင်းဒေသကြီး ၊ရှမ်းပြည်နယ်မြောက်ပိုင်း၊ ကချင်ပြည်နယ်၊ချင်းပြည်နယ်တို့မှ ကြီးကြပ်ရေးမှူး (၈၆၀)ဦး တတ်ရောက်ခဲ့တာဖြစ်ပါတယ်။ ဆွေးနွေးပွဲမှာ စာမေးပွဲဆိုင်ရာလုပ်ငန်းအပေါ်ဆွေးနွေးမှုတွေ၊ ၀င်ခွင့်ကဒ်ပြား၊ မေးခွန်းလွှာဆိုင်ရာညွှန်ကြားချက်တွေ၊ မေးခွန်းအဖြေလွှာနဲ့ စာမေးပွဲလုံခြုံမှုဆိုင်ရာ ဆောင်ရွက်မှုလုပ်ငန်းတွေ၊ စာမေးပွဲခန်း ပြင်ပ၊ ဂိတ်၊ သန့်စင်ခန်းတွေမှာ ဆောင်ရွက်မှုလုပ်ငန်း စတာတွေကို ဆွေးနွေးခဲ့တာဖြစ်တယ်လို့ သိရပါတယ်။ဆွေးနွေးပွဲကို ပညာရေးဝန်ကြီးဌာန  ပြည်ထောင်စုဝန်ကြီး ဒေါက်တာမျိုးသိမ်းကြီး တတ်ရောက်ခဲ့ပြီး တိုင်းဒေသကြီးမှတာဝန် ရှိသူများ၊ ခရိုင်မှတာဝန်ရှိသူများ၊ မြို့နယ်ပညာရေးမှူး၊ အထက်တန်းကျောင်းအုပ်၊ အလယ်တန်းကျောင်းအုပ်တို့က ကြီးကြပ် ရေးမှူးဆိုင်ရာလိုက်နာဆောင်ရွက်ရမယ့်လုပ်ငန်းစဉ်တွေကို ဆွေးနွေးခဲ့တာဖြစ်တယ်လို့သိရပါတယ်။ 

 

 

Related News