ဥရောပသမဂ္ဂနိုင်ငံတွေမှာ နှစ်စဉ်ကျင်းပနေတဲ့ ပညာသင်ကြားရေးပွဲတော်ကို  မြန်မာနိုင်ငံမှာ ဒီဇင်ဘာလ (၁၃)ရက်က ရန်ကုန်တက္ကသိုလ် စိန်ရတုခန်းမမှာ မနက်(၉) နာရီကနေ ညနေ(၅)နာရီအထိ ကျင်းပခဲ့ပါတယ်။ဥရောပသမဂ္ဂနိုင်ငံတွေမှာ နှစ်စဉ်ကျင်းပတဲ့ ပညာသင်ကြားရေးပွဲတော်ကို မြန်မာနိုင်ငံမှာကျင်းပရတာက ဥရောပမှာ ပညာသင်ကြားခြင်းကြောင့် ကျောင်းသားကျောင်းသူတွေအတွက် ရရှိနိုင်မယ့် အကျိုးကျေးဇူးတွေ၊ ကျောင်းသားကျောင်းသူတွေ အနေနဲ့ ဥရောပရှိ သုတေသနနှင့်ပညာသင်အခွင့်အလမ်းများ အကြောင်းကို သိရှိစေရန်၊ ဥရောပရှိအဆင့်မြင့်ပညာရေး အဖွဲ့အစည်းများကို မြန်မာကျောင်းသူ၊ ကျောင်းသားများမိတ်ဖက်အဖွဲ့ အစည်းများနှင့် ဆက်သွယ်ပေးရန် စတဲ့ရည်ရွယ်ချက်တွေနဲ့ ပြုလုပ်တာဖြစ်တယ်လို့ သိရပါတယ်။ 

ပညာသင်ကြားရေးပွဲတော်ကို ဗြိတိသျှကောင်စီမှ စီစဉ်ကျင်းပတာဖြစ်ပြီး  ဥရောပသမဂ္ဂမှ ရန်ပုံငွေထောက်ပံ့ပေးထားတာ ဖြစ်ပါတယ်။ ပွဲတော်မှာ  ထိပ်တန်းဥရောပကျောင်း (၁၉)ကျောင်း၊ နိုင်ငံတော်အဆင့် ကိုယ်စားလှယ်အဖွဲ့/သံရုံး(၈)ခုနှင့် ပြင်သစ်၊ဂျာမနီ၊ဟန်ဂေရီ၊အီတလီ၊ နယ်သာလန်၊ပိုလန်၊စပိန်၊ဆွီဒင်၊ယူကေ စတဲ့နိုင်ငံ(၁၃)နိုင်ငံတို့မှ ပါဝင်ခင်းကျင်းပြသ နေတာဖြစ်ပါတယ်။ဥရောပ ပညာသင်ကြားရေးပွဲတော်မှာ လာရောက်လေ့လာလိုတဲ့ ကျောင်းသားကျောင်းသူတွေအနေနဲ့ ပညာသင်ဆု အခွင့်အလမ်းတွေအပြင် ဥရောပမှာ ပညာသင်ကြားနိုင်ရန်၊ သုတေသနပြုလုပ်ခြင်းနဲ့ ပညာသင်ဆုအခွင့်အလမ်းတွေမှာ ရရှိမှာဖြစ်တယ်လို့သိရပါတယ်။ 

 

 

Related News