လူတိုင်းအကျုံးဝင်(အခြေခံပညာအဆင့်)ငြိမ်းချမ်းရေးအသိပညာပေးဆွေးနွေးပွဲကို အောက်တိုဘာ(၃)ရက်က အ.ထ.က(၂)စမ်းချောင်းမှာ ပြုလုပ်ခဲ့ပါတယ်။ လူတိုင်းအကျုံးဝင်(အခြေခံပညာအဆင့်)ငြိမ်းချမ်းရေးအသိပညာပေးဆွေးနွေးပွဲမှာ (၂၀၁၈-၂၀၁၉)ရှေ့ပြေးစီမံချက်အနေနဲ့ ပဉ္စမအကြိမ် ကလေးများမှကလေးများသို့ မျှဝေခြင်းအစီအစဉ်အနေနဲ့ ငြိမ်းချမ်းရေးနဲ့ ပတ်သက်တဲ့အသိပညာပေး အစီအစဉ် တွေ အပါအ၀င်၊ မသန်စွမ်းကလေးငယ်တွေ ကျောင်းသင်ပညာရေးမှာ ပါဝင်သင်ကြားခွင့်ရှိတယ်ဆိုတာတွေကိုပါ ဆွေးနွေး ခဲ့တာပါ။

မသန်စွမ်းကလေးငယ်များဟာ မိမိတို့မသန်စွမ်းကျောင်းတွေမှာသာ ပညာသင်ကြားနိုင်တာမဟုတ်ဘဲ  အခြေခံပညာကျောင်းတိုင်းမှာလည်း ပညာသင်ကြားနိုင်တယ်ဆိုတာတွေအပါအ၀င် ပညာရေးဝန်ကြီးဌာနကလည်း သက်ဆိုင်ရာမြို့နယ်အသီးသီးရှိကျောင်းတွေမှာ အဲ့ဒီကလေးငယ်တွေကို နည်းစနစ်အလိုက်ပညာသင်ကြားနိုင်အောင်ပါ ဆောင်ရွက်ပေးလျှက်ရှိတယ်လို့ သိရပါတယ်။ဒီဆွေးနွေးပွဲမှာ ငြိမ်းချမ်းရေးပညာပေးအစီအစဉ်နဲ့ပတ်သက်ပြီး အသိပညာပိုင်း၊ ကလေးငယ်အချင်းချင်းလိုက် လျောညီထွေ စွာ ပေါင်းသင်းဆက်ဆံတတ်မှု၊ ပူးပေါင်းဆောင်ရွက်တတ်မှုတွေအပါအ၀င် အချင်းချင်းကိုယ်ချင်း စာတရားထားနိုင်တဲ့ စိတ်ဓါတ်မျိုးရှိစေဖို့ စတဲ့ အကြောင်းအရာတွေကို ရှင်းလင်းပြောပြတဲ့အစီအစဉ်လည်းပါဝင်ခဲ့ပါတယ်။

ဆွေးနွေးပွဲကို ပညာရေးဝန်ကြီးဌာန အခြေခံပညာဦးစီးဌာနနဲ့ မြန်မာနိုင်ငံကလေးသူငယ်အခွင့်အရေးများဖွံ့ဖြိုး တိုးတက်ရေး အသင်းတို့ ပူးပေါင်းပြုလုပ်တာဖြစ်ပါတယ်။  အခုလိုဆွေးနွေးပွဲတွေကို ပညာရေးဝန်ကြီးဌာနနဲ့ချိတ်ဆက်ပြီး လူမှုဝန်ထမ်း ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန၊ မသန်စွမ်းအဖွဲ့အစည်းများနဲ့ ပရဟိတ အဖွဲ့အစည်းတွေကလည်း ပြုလုပ်ကြသလို အခြေခံပညာကျောင်းအသီးသီးမှာလည်း ပြုလုပ်ကြတယ်လို့ သိရပါတယ်။

 

 

Related News