အခြေခံပညာကျောင်းတွေမှာ စာကြည့်တိုက်နဲ့ Multi Media Roomတွေ သုံးစွဲမှုနည်းပါးနေမှုအပေါ် စက်တင်ဘာ(၂၈)ရက်က ကျင်းပတဲ့ ဒုတိယအကြိမ် ရန်ကုန်တိုင်းဒေသကြီးလွှတ်တော် သတ္တမပုံမှန်အစည်းအဝေး (၁၂)ရက်မြောက်နေ့မှာ မေးခွန်းမေးမြန်းခဲ့တာပါ။ရန်ကုန်တိုင်းဒေသကြီးက အခြေခံပညာအထက်တန်းကျောင်းတွေမှာ ကျောင်းဖွံ့ဖြိုးရေးရန်ပုံငွေတွေကို စနစ်တကျသုံးစွဲပြီး ကျောင်းသား/ကျောင်းသူတွေ ပညာရေးတိုးတက်မြင့်မားမှုတွက် စာကြည့်တိုက်တွေ၊ Multi Media Room တွေ သုံးစွဲမှုနည်းပါးနေတာကြောင့် စာကြည့်တိုက်တွေ သုံးစွဲမှုနည်းပါးနေတာကြောင့် စာကြည့်တိုက်တွေ၊ Multi Media Roomတွေ ပိုမိုသုံးစွဲလာစေဖို့ ပညာရေးဌာနအနေနဲ့ စီမံဆောင်ရွက်နေတာတွေနဲ့ ပတ်သက်ပြီး လမ်းမတော်မြို့နယ် မဲဆန္ဒနယ်အမှတ်(၁) တိုင်းဒေသကြီးလွှတ်တော်ကိုယ်စားလှယ် ဒေါ်အေးအေးမာက မေးမြန်းခဲ့တာပါ။

ရန်ကုန်တိုင်းဒေသကြီးအတွင်းက အခြေခံပညာစာသင်ကျောင်းတွေအနက် စာကြည့်တိုက်ရှိတဲ့  စာသင်ကျောင်းပေါင်း(၆၃၀)နဲ့ (Multi Media Room) ရှိတဲ့ကျောင်း(၁၉၂)ကျောင်းရှိတယ် လို့သိရပါတယ်။ အခြေခံပညာဦးစီးဌာနက ကျောင်းစာကြည့်တိုက်၊ စာကြည့်တိုက်မှူးများ စွမ်းရည်မြင့်သင်တန်း၊ အဆင့်မြင့်သင်တန်းများကိုလည်း သတ်မှတ်ဦးရေအတိုင်း သင်တန်းများဖွင့်လှစ်ပေးနေတယ်လို့ဆိုပါတယ်။ရန်ကုန်တိုင်းဒေသကြီးအတွင်း အခြေခံပညာအထက်တန်းကျောင်း၊ အထက်တန်းကျောင်းခွဲ ၊အလယ်တန်းကျောင်း၊ အလယ်တန်းကျောင်းခွဲ၊ မူလတန်းလွန်ကျောင်း၊ မူလတန်းကျောင်းနှင့် တွဲဖက်မူလတန်းကျောင်း စုစုပေါင်း(၂၈၀၀)နီးပါးရှိတယ်လို့သိရပါတယ်။

ရန်ကုန်တိုင်းဒေသကြီးအတွင်း ကျောင်းစာကြည့်တိုက်တွေ ပြန်လည်အသက်ဝင် လာစေရေးအတွက် (၂၀၁၈-၂၀၁၉) ပညာသင်နှစ်မှာ မြန်မာနိုင်ငံစာကြည့်တိုက်အသင်း၊  မြန်မာစာပေပံ့ပိုးကူညီမှုနှင့် ထိန်းသိမ်းစောင့်ရှောက်မှု ပရဟိတအဖွဲ့တို့နဲ့ပူးပေါင်း  လုပ်ဆောင်နေတယ်လို့ သိရပါတယ်။  စာကြည့်ပြုပြင်လိုတဲ့ ကျောင်း(၁၆)ကျောင်းကို  ရန်ကုန်တိုင်းဒေသကြီး အစိုးရအဖွဲ့ ရဲ့ အထွေထွေရန်ပုံငွေလက်ကျန်မှ ကျခံသုးံစွဲ ဆောက်ရွက်ပေးနေတယ်လို့လည်း သိရပါတယ်။ ဒါ့အပြင် (၂၀၁၇-၂၀၁၈)ဘဏ္ဍာရေးနှစ်မှာ  Desktop(၂၀၀)ကျော်နဲ့ Laptop(၁၇) လုံးကို အခြေခံပညာကျောင်း (၇၁)ကျောင်းကို ခွဲဝေချပေးထားတယ်လို့ သိရပါတယ်။

 

 

Related News