စိုက်ပျိုးရေးတက္ကသိုလ်ဘွဲ့ရများအသင်း(AUAA)ရန်ကုန်ရုံးခွဲက ဦးစီးပြုလုပ်တဲ့ ပိုးသတ်ဆေးနဲ့ ပတ်သက်တဲ့ ဥပဒေအကြောင်းဆိုင်ရာ စကားဝိုင်းဆွေးနွေးပွဲကို စက်တင်ဘာလ(၂၉)ရက်က အင်းစိန်မြို့နယ်မှာရှိတဲ့ စိုက်ပျိုးရေးဦးစီးဌာန၊ မျိုးစေ့ဌာနခွဲမှာပြုလုပ်ခဲ့တာဖြစ်ပါတယ်။ ပြည်ပမှဝင်ရောက်လာတဲ့ ပိုးသတ်ဆေးတွေက မြန်မာနိုင်ငံ စိုက်ပျိုးရေးဦးစီးဌာန၊ သီးနှံကာကွယ်ရေးဌာနခွဲမှာ မှတ်ပုံတင်လျှောက်ထားရတာဖြစ်ပြီး၊  မြန်မာနိုင်ငံကို လက်ရှိ နယ်စပ်မှ တရားမ၀င်ပိုးသတ် ဆေးများ ဈေးကွက်ထဲဝင်ရောက်နေတာတွေရှိတာကြောင့် ဌာနဆိုင်ရာ ၊ တာဝန်ရှိသူတွေ နဲ့ စိုက်ပျိုးရေး လုပ်ကိုင်သူ တောင်သူလယ်သမားတွေက ရှုထောင့်အသီးသီး ကနေ အဖြေရှာ ဆွေးနွေးခဲ့ကြတာဖြစ်ပါတယ်။

ဆွေးနွေးပွဲစကားဝိုင်းကို လက်ရှိပြည်ပမှ တင်သွင်းလာတဲ့ ပိုးသတ်ဆေးတွေကို တောင်သူတွေသိရှိစေရန်၊ တောင်သူလယ်သမားတွေအနေနဲ့ အရည်အသွေးကောင်းတဲ့ ပိုးသတ်ဆေးတွေရရှိစေရန် နဲ့ ၀ယ်ယူစားသုံးတဲ့ ပြည်သူတွေအန္တရယ်ကင်း အသီးအနှံတွေရရှိရန် ရည်ရွယ်ပြီးပြုလုပ်တာဖြစ်တယ်လို့ သိရပါတယ်။စိုက်ပျိုးရေးတက္ကသိုလ်ဘွဲ့ရများအသင်း(AUAA) ရန်ကုန်ရုံးခွဲက စိုက်ပျိုးရေးဆိုင်ရာကဏ္ဍတွေဖြစ်တဲ့ ပိုးသတ်ဆေးဆိုင်ရာ၊ ဓာတ်မြေသြဇာဆိုင်ရာနဲ့ မျိုးစေ့ဆိုင်ရာ စကားဝိုင်းဆွေးနွေးပွဲတွေကို လစဉ်ပြုလုပ်နေတာ ဖြစ်ပြီး၊ ဥပဒေရှိတဲ့ ပိုးသတ်ဆေး အကြောင်းဆိုင်ရာ စကားဝိုင်းကတော့ (၄)ကြိမ်မြောက်ပြုလုပ်တာဖြစ်တယ်လို့ သိရပါတယ်။ အောက်တိုဘာလအတွင်းမှာ ဓာတ်မြေသြဇာဆိုင်ရာစကားဝိုင်းဆွေးနွေးပွဲကို သက်ဆိုင်ရာဌာနတွေက တာဝန်ရှိသူတွေနဲ့ပြုလုပ်သွားမှာဖြစ်တယ်လို့ သိရပါတယ်။

 

 

Related News