ရန်ကုန်ပညာရေးတက္ကသိုလ်မှာ ၀င်ခွင့်နှုတ်ဖြေစာမေးပွဲအတွက် ဇွန်လ(၁၅) ရက်ကစပြီး လျှောက်လွှာတွေ ထုတ်ပေးနေတာဖြစ်ပြီး ဇွန်လ (၁၆)ရက်မှာတော့ကျောင်းသား၊ ကျောင်းသူ အနည်းငယ်သာ လာရောက်ထုတ်ယူကြပါတယ်။ရန်ကုန်ပညာရေးတက္ကသိုလ်ရဲ့ ပညာရေးဘွဲ့ကြိုသင်တန်းကို ၀င်ခွင့်လျှောက်ထားလိုသူတွေဟာ (၂၀၁၈)ခုနှစ် တက္ကသိုလ်ဝင်တန်းစာမေးပွဲမှာ သိပ္ပံဘာသာတွဲအတွက် အနိမ့်ဆုံး (၄၅၅)မှတ်၊ ၀ိဇ္ဇာ - သိပ္ပံ ဘာသာတွဲအတွက် အနိမ့်ဆုံး(၄၂၀)မှတ်၊ ၀ိဇ္ဇာဘာသာတွဲအတွက် အနိမ့်ဆုံးအမှတ် (၄၀၀)ရရှိအောင်မြင်သူများသာ လျှောက်ထားနိုင်မှာဖြစ်တယ်လို့သိရပါတယ်။ လျှောက်လွှာစတင်ထုတ်ပေးတဲ့ ဇွန်လ(၁၅)ရက်မှာတော့ (၂၄၇)ဦးထိ လာရောက်ထုတ်ယူခဲ့ပြီး (၂၆)ဦးလျှောက်လွှာပြန်တင်ခဲ့ပေမယ့် ဒုတိယမြောက်နေ့ ဇွန်လ(၁၆)ရက်မှာတော့ လာရောက်လျှောက်ထားသူ လျော့နည်းသွားတယ်လို့သိရပါတယ်။

တက္ကသိုလ်ဝင်ခွင့်လျှောက်လွှာတွေကိုတော့ ဇွန်လ(၁၅)ရက်ကနေ ဇူလိုင်လ (၁၅)ရက်နေ့အထိ ထုတ်ပေးနေတာဖြစ်ပြီး လျှောက်လွှာပြန်တင်မှုကိုပါ တစ်ခါတည်းလက်ခံပေးနေတာဖြစ်ပါတယ်။ လူတွေ့နှုတ်ဖြေစစ်ဆေးမှုကိုတော့ သြဂုတ်လ(၆)ရက်နဲ့ (၇)ရက်မှာ ပြုလုပ်သွားမယ်လို့သိရပါတယ်။ ကျောင်းဝင်ခွင့်အတွက်ရွေးချယ်ခံရသူတွေကိုတော့ ရန်ကုန်ပညာရေးတက္ကသိုလ်ရဲ့ website, ကြော်ငြာသင်ပုန်းတို့အပြင် ရွေးချယ်ခံရတဲ့ကျောင်းသားကျောင်းသူများရဲ့ ဖုန်းနံပတ်များကိုလည်း SMS ပေးပို့သွားမယ်လို့သိရပါတယ်။ရန်ကုန်ပညာရေးတက္ကသိုလ်မှာ အခုနှစ်အတွက် လူဦးရေ(၄၀၀) တက်ရောက်ခွင့်ပြုသွားမှာ ဖြစ်ပါတယ်။ ၀င်ခွင့်လျှောက်လွှာတွေကိုတော့ လူကိုယ်တိုင်ဖြစ်စေ၊ ကိုယ်စားဖြစ်စေ လာရောက်ထုတ်ယူလျှောက်ထားနိုင်တယ်လို့သိရပါတယ်။

 

 

Related News