မြန်မာနိုင်ငံလုံးဆိုင်ရာထေရ၀ါဒဗုဒ္ဓဘာသာအဖွဲ့ချုပ်နှင့် နယ်စပ်တောင်တန်းဒေသသာသနာ နုဂ္ဂဟအသင်း(ဗဟို)က ကြီးမှူးပြီး ယဉ်ကျေးလိမ္မာဆရာဖြစ်သင်တန်း ပို့ချသင်ကြားပေး လျက်ရှိနေတယ်လို့ သိရပါတယ်။ ကိုမင်းသီဟကတော့ တာမွေမြို့နယ်တွင်နေထိုင်သူတစ်ဦး ဖြစ်ပြီး မြန်မာနိုင်ငံလုံးဆိုင်ရာ ထေရ၀ါဒဗုဒ္ဓဘာသာအဖွဲ့ချုပ်နှင့် နယ်စပ်တောင်တန်းဒေသသာသနာနုဂ္ဂဟအသင်း(ဗဟို)က ဖွင့်လှစ်တဲ့ ယဉ်ကျေးလိမ္မာဆရာဖြစ်သင်တန်းကို လာတက်ရောက်နေသူတစ်ဦးဖြစ်ပါတယ်။
 
သူ့အနေနဲ့ စီးပွားရေးလုပ်ကိုင်နေသူ တစ်ဦးဖြစ်ပေမဲ့ ယဉ်ကျေးလိမ္မာဆရာဖြစ်သင်တန်းကို စိတ်ဝင်စားမှုရှိတာကြောင့် လာတက်ရောက်ဖြစ်တယ်လို့ သိရပါတယ်။ ကိုမင်းသီဟလို စီးပွားရေးလုပ်ငန်းလုပ်ကိုင်သူတွေအပြင် ဆရာဝန်၊ ရှေ့နေ့၊ အစိုးရ၀န်ထမ်းများ၊ ကုန်စိမ်းရောင်းချသူတွေပါမကျန် ယဉ်ကျေးလိမ္မာဆရာဖြစ် သင်တန်းကို လာတက်ရောက်သူများပြားတယ်လို့ 
ပြောပါတယ်။
 
တက်ရောက်သူတွေအနေနဲ့ကလည်း ကလေးသူငယ်တွေကို မိမိဘာသာသာသနာကို သိရှိနားလည်ပြီး ထိန်းသိမ်းတတ်အောင် ပြန်လည် သင်ကြားပေးချင်တာကြောင့် လာတက်ရောက်တာ ဖြစ်တယ်လို့ သိရပါတယ်။
 
မြန်မာနိုင်ငံလုံးဆိုင်ရာထေရ၀ါဒဗုဒ္ဓဘာသာအဖွဲ့ချုပ်နှင့် နယ်စပ်တောင်တန်းဒေသသာသနာ နုဂ္ဂဟအသင်း(ဗဟို)အနေနဲ့ ယဉ်ကျေးလိမ္မာဆရာဖြစ်သင်တန်းကို ၂၀၁၁ ခုနှစ်မှ စတင်သင်ကြား ပေးခဲ့တာဖြစ်ပြီး အခုဆိုရင် ဆရာဆရာမပေါင်း တစ်သိန်းကျော်ကို သင်ကြားပေးခဲ့ပြီး ဖြစ်တယ်လို့ သိရပါတယ်။ သင်ကြားမှုတွေကတော့ ယဉ်ကျေးမှုဘာသာ၊ မြန်မာစာဘာသာရပ်၊ အဘိဓမ္မာ ဘာသာရပ်၊ ဗုဒ္ဓသမိုင်းဘာသာ၊ သာသနာနုဂ္ဂဟသမိုင်း စတာတွေကို သင်ကြားပေးတာ ဖြစ်ပါတယ်။ 
 
ဒီသင်တန်းကနေ တက်ရောက်အောင်မြင်ပြီးသူတွေအနေနဲ့ကလည်း ကလေးတွေကို ယဉ်ကျေးလိမ္မာ သင်တန်း ပြန်လည်သင်ကြားရမှာ ဖြစ်သလို မတက်ရောက်နိုင်သူတွေကိုလည်း 
ဆင့်ပွားဆရာဖြစ်သင်တန်းကို ပြန်လည်သင်ကြားပေးရမှာ ဖြစ်တယ်လို့ သိရပါတယ်။ 
 
 
 
 

Related News