၂၀၁၈-၂၀၁၉ပညာသင်နှစ်မှာပြောင်းလဲမယ့် ဒုတိယတန်းသင်ရိုးပြောင်းလဲမှုမှာ အလွတ်ကျက် စနစ်မဟုတ်ပဲကျောင်းသားကျောင်းသူတွေရဲ့ အတွေးအခေါ်တွေကောင်းမွန်စေဖို့ ပြောင်းလဲလိုက်တဲ့ သင်ရိုးဖြစ်တယ်လို့ အခြေခံပညာဦးစီးဌာနမှတာဝန်ရှိသူက ပြောကြားလိုက်ပါတယ်။ပညာရေးဝန်ကြီးဌာနက ပညာရေးပြုပြင်ပြောင်းလဲမှုမဟာဗျူဟာစီမံကိန်းကို ၂၀၁၆ကနေ ၂၀၂၁အထိ ရေးဆွဲထားပါတယ်။ ဒီစီမံကိန်းအရ ၂၀၁၆-၂၀၁၇ ပညာသင်နှစ်ကစပြီး (KG)သင်ရိုးကို ပြောင်းလဲခဲ့ရာ ၂၀၁၇-၂၀၁၈ ပညာသင်နှစ်မှာ ပထမတန်းသင်ရိုးကိုပြောင်းလဲခဲ့ပြီး အခု၂၀၁၈-၂၀၁၉ ပညာသင်နှစ်မှာ ဒုတိယတန်းသင်ရိုးကို ပြောင်းလဲသွားမှာဖြစ်ပါတယ်။

အဲဒီလိုပြောင်းလဲဖို့ တိုင်းအဆင့်၊ ခရိုင်အဆင့်က ဆရာ၊ဆရာမတွေကိုသင်တန်းပေးခဲ့ပြီး လက်ရှိမှာမေလ(၈)ရက်ကနေ (၂၃) ရက်အထိ ကျောင်းအုပ်စုအဆင့်အဖြစ် မူလတန်းပြဆရာမအားလုးံကို သင်တန်းပို့ချ ပေးလျက်ရှိတယ်လို့ သိရပါတယ်။ကလေးတွေတစ်ဦးချင်း သင်ကြားတာကနေ အုပ်စုလိုက်သင်ယူရတာတွေရှိလာတဲ့အတွက် သင်ခန်းစာတွေကို ပိုပြီးစိတ်ဝင်စားလာမှာဖြစ်တယ်လို့ မူလတန်းပြဆရာမတစ်ဦးက အခုလို ပြောပါတယ်။

အဲဒီလိုကလေးတွေစိတ်ဝင်စားလာအောင်သင်ကြားဖို့သင်ကြားရေးပိုင်းမှာ ဆောင်ရွက်မယ့် ဆရာမတွေအတွက် သင်ရိုးသစ်ဆိုင်ရာဘာသာရပ်လမ်းညွန်၊TV Guide တွေလည်း စီစဉ်ထားတယ်လို့ သိရပါတယ်။ပညာရေးပြုပြင်ပြောင်းလဲမှုမဟာဗျူဟာစီမံကိန်းအရလာမယ့်နှစ်တွေမှာလည်း သင်ရိုးညွန်းတမ်းတွေ အဆင့်ဆင့်ပြောင်းလဲသွားမှာဖြစ်တယ်လို့ သိရပါတယ်။ အခုပြောင်းလဲထားတဲ့ ဒုတိယတန်းသင်ရိုးသစ်ကို ပညာရေးဝန်ကြီးဌာနနဲ့ဂျပန်အပြည်ပြည်ဆိုင်ရာ ပူးပေါင်းဆောင်ရွက်ရေး အေဂျင်စီ (JICA)တို့ကပူးပေါင်းရေးဆွဲထားတာလည်း ဖြစ်တယ်လို့ သိရပါတယ်။

 

 

Related News