တစ်နိုင်ငံလုံးအတိုင်းအတာနဲ့တက္ကသိုလ်ဝင်ခွင့်စာမေးပွဲ တတိယနေ့အဖြစ် မတ်လ(၉)ရက်နေ့မှာ ဖြေဆိုနေတာ ဖြစ်ပါတယ်။ မတ်လ(၇)ရက်နေ့ကစပြီး တစ်နိုင်ငံလုံးအတိုင်းအတာနဲ့ တက်္ကသိုလ်ဝင်ခွင့်စာမေးပွဲကို ဖြေဆိုနေတာဖြစ်ပါတယ်။  တက်္ကသိုလ်ဝင်ခွင့်စာမေးပွဲ  တတိယနေ့ဖြစ်တဲ့ မတ်လ(၉)ရက်နေ့မှာတော့ သချာင်္ဘာသာကို ဖြေဆိုနေတာလည်းဖြစ်ပါတယ်။ ဗိုလ်တထောင်မြို့နယ်အတွင်းမှာတော့ တက်္ကသိုလ် ၀င်ခွင့် စာစစ်ဌာနနှစ်ခုထားရှိပြီး အ.ထ.က (၆)နဲ့ အ.ထ.က(၄) တို့မှာ ဖွင့်လှစ်ထားတာဖြစ်ပါတယ်။
 
ဒီနေ့မှာတော့ ရန်ကုန်တိုင်းဒေသကြီးပညာရေးမှူးရုံးကတာဝန်ရှိသူတွေက  ဒီစာစစ်ဌာနနှစ်ခုမှာ စာမေးပွဲဖြေဆိုမှုအခြေအနေကို ကြည့်ရှုစစ်ဆေးခဲ့ပါတယ်။ ဗိုလ်တထောင်မြို့နယ်အတွင်းမှာ တက်္ကသိုလ်ဝင်ခွင့်စာမေးပွဲ ၀င်ရောက်ဖြေဆိုရန် စာရင်းရှိ(၁၂၆၁)ဦး ဖြစ်ပေမယ့် ဒီနေ့လာရောက်ဖြေဆိုသူ (၁၁၉၀)ဦး၊ ပျက်ကွက်(၇၁)ဦးရှိတယ်လို့ သိရပါတယ်။ 
 
လာရောက်ဖြေဆိုသူတွေအထဲမှာ မသန်စွမ်းကျောင်းသူ တစ်ဦးလည်းပါဝင်ပါတယ်။ဗိုလ်တထောင်မြို့နယ်အတွင်းမှာ စာမေးပွဲဖြေဆိုနေစဉ်ကျောင်းသားကျောင်းသူ၊မိဘပြည်သူတွေ ဘေးအန်္တရာယ်ကင်းရှင်းစေရန်အတွက် ယာဉ်ထိန်းတပ်ဖွဲ့ကည်း စာစစ်ဌာနတစ်ခုမှာ ယာဉ်ထိန်းရဲ (၄)ယောက်စီထားရှိပေးထားတယ်လို့ သိရပါတယ်။ ရန်ကုန်တိုင်းဒေသကြီး တစ်ခုလုံးအတွက် ယာဉ်ထိန်းရဲတစ်ထောင်နီးပါးထားရှိပြီး စာမေးပွဲမဖြေဆိုခင် မနက်(၆)နာရီကစပြီး စာမေးပွဲပြီးတဲ့ အချိန်အထိ ယာဉ်အန္တရာယ်ကင်းရှင်းအတွက် ဆောင်ရွက်ပေးနေတာပါ။
 
ရန်ကုန်တိုင်းဒေသကြီးမှာ စာစစ်ဌာနပေါင်း(၂၂၀)ရှိပြီး ဖြေဆိုရန်စာရင်းသွင်းဦးရေမှာ တစ်သိန်းနှစ်သောင်းကျော်ရှိတယ်လို့ မြန်မာနိုင်ငံစာစစ်ဦးစီးဌာနမှ ထုတ်ပြန်ထားပါတယ်။ ရန်ကုန်ပြည်သူ့ဆေးရုံကြီး၊ မြောက်ဥက္ကလာပဆေးရုံကြီး၊ ဗဟိုအမျိုးသမီးဆေးရုံကြီးနဲ့ မြောက်ဥက္ကလာပ (ဝေဘာဂီဆေးရုံကြီး)တို့မှာလည်း စာစစ်ဌာနဖွင့်လှစ်ထားပါတယ်။
 
 

Related News