(၂၀၁၈)ခုနှစ် တက္ကသိုလ်ဝင်တန်းစာမေးပွဲကို မနက်ဖြန် မတ်လ(၇)ရက်မှာ စတင်ကျင်းပမှာ ဖြစ်တာကြောင့် ကြည့်မြင်တိုင်မျက်မမြင်ကျောင်းမှ ကျောင်းသားကျောင်းသူတွေအနေနဲ့ စာမေးပွဲအတွက် ကြိုတင်ပြင်ဆင်နေပါတယ်။
 
(၂၀၁၈)ခုနှစ်တက္ကသိုလ်ဝင်တန်းစာမေးပွဲကို  ကြည့်မြင်တိုင်မျက်မမြင်ကျောင်းက ကျောင်းသား ကျောင်းသူ(၆)ဦး ပါဝင်ဖြေဆိုမှာ ဖြစ်ပါတယ်။ ဒီကျောင်းသားကျောင်းသူ(၆)ဦးထဲမှာ ဘ၀ကိုအရှုံးမပေးဘဲ တက္ကသိုလ်ဝင်စာမေးပွဲကိုဖြေဆိုမယ့် မောင်ထင်လင်းအောင်ဟာလည်း တစ်ယောက်အပါအ၀င် ဖြစ်ပါတယ်။ မောင်ထင်လင်းအောင်ဟာ ကြည့်မြင်တိုင်မျက်မမြင်ကျောင်းကို အသက်(၉)နှစ်အရွယ်မှာ စတင်ရောက်ရှိခဲ့တာဖြစ်ပြီး  မွေးရာပါမျက်မမြင်တစ်ဦးဖြစ်ပါတယ်။
 
သူကသာမာန်ကျောင်းသား ကျောင်းသူတွေနဲ့ မတူတဲ့အတွက် စာကျက်တဲ့အခါမှာ နှစ်ဆပိုကြိုးစားကျက်ခဲ့ရသလို စိတ်ဓာတ်ပိုင်း ဆိုင်ရာကိုလည်း မြှင့်တင်ရတယ်လို့ ပြောပါတယ်။မောင်ထင်လင်းအောင်လိုဘဲ ကြည့်မြင်တိုင်မျက်မမြင်ကျောင်းမှ တက်္ကသိုလ်ဝင်တန်း စာမေးပွဲကိုဝင်ရောက်ဖြေဆိုမယ့် ကျောင်းသူတစ်ဦးကလည်း တက္ကသိုလ်ဝင်စာမေးပွဲအတွက် အဆင်သင့်ဖြစ်နေပြီလို့ ပြောပါတယ်။
 
ကြည့်မြင်တိုင်မျက်မမြင်ကျောင်းမှ တက္ကသိုလ်ဝင်တန်းဖြေဆိုမယ့် ကျောင်းသားကျောင်းသူတွေကို သင်ကြားပေးနေတဲ့ ဆရာမတွေကလည်း အချိန်ပြည့်စာသင်ကြားပေးနေပြီး စာသင်ချိန်အားလပ်ချိန်တွေမှာ အနီးကပ်သင်ပြပေးတယ်လို့သိရပါတယ်။  ကျက်စာဘာသာရပ်တွေမှာ အခက်အခဲမရှိဖြေဆိုနိုင်ပေမယ့် အင်္ဂလိပ်စာနဲ့ သချာင်္ဘာသာရပ်တွေမှာ အနည်းငယ်အခက်အခဲရှိနိုင်တယ်လို့ ဘာသာရပ်တွေကို သင်ကြားပေးတဲ့ဆရာမတွေက ပြောပါတယ်။
 
 ကြည့်မြင်တိုင်မျက်မမြင်ကျောင်းမှ (၂၀၁၈)ခုနှစ်တက်္ကသိုလ်ဝင်တန်းစာမေးပွဲကိုဝင်ရောက်ဖြေဆိုမယ့် ကျောင်းသား ကျောင်းသူတွေဟာ အ.ထ.က(၂)ကြည့်မြင်တိုင်မှာ ဖြေဆိုရမှာ ဖြစ်ပါတယ်။ အရင်နှစ်နီးတူ ဒီနှစ်မှာလည်း မျက်မမြင်မသန်စွမ်း ကျောင်းသားကျောင်းသူတွေအတွက် နာရီဝက်အချိန်ပိုပေးထား တယ်လို့ သိရပါတယ်။ မျက်မမြင်မသန်စွမ်းကျောင်းသားကျောင်းသူတွေအတွက် စာစစ်ဌာန သီးသန့်ထားရှိပေးခြင်းမရှိဘဲ သက်ဆိုင်ရာကျောင်းတွေမှာသာ ၀င်ရောက်ဖြေဆိုရမှာဖြစ်တယ်လို့ သိရပါတယ်။
 
 
 
 

Related News