ပြည်တွင်းကခရီးသွားလုပ်ငန်းတွေ၊ ဟိုတယ်လုပ်ငန်းတွေမှာအလုပ်အကုိုင်ရရှိစေဖို့အတွက် Myanmar Hospitality Tourism Institute  ဟိုတယ်နှင့်ခရီးသွားလာရေးသင်တန်းကို မတ်လ(၃) ရက်က ပြည်လမ်းရှိ မြကန်သာ(၁)လမ်းမှာ ဖွင့်လှစ်လိုက်ပါတယ်။ဟိုတယ်နှင့် ခရီးသွားလာရေးသင်တန်းကျောင်း(MHTI)မှာ အခြေခံဟိုတယ်ဝန်ဆောင်မှု သင်တန်းများ၊ ဟိုတယ်ဧည့်ကြို ၀န်ဆောင်မှုသင်တန်းများ၊ ဟိုတယ်အိပ်ခန်းဆောင် ထိန်းသိမ်းရေးသင်တန်းများ၊နိုင်ငံတကာ အစားအသောက်ဝန်ဆောင်မှုသင်တန်းများ၊ အစားအစာ ချက်ပြုတ်ပြင်ဆင်မှုသင်တန်းတွေအပြင် စီမံခန့်ခွဲမှုဆိုင်ရာ သင်တန်းတွေနဲ့ နည်းပညာဆိုင်ရာ ပညာရပ်အစရှိတာတွေလည်း သင်ကြားပေးသွားမယ်လို့ သိရပါတယ်။ ဟိုတယ်သင်တန်းတွေနဲ့ ပတ်သက်ပြီး သင်တန်းကာလအနေနဲ့ (၃)လကြာမြင့်မှာဖြစ်ပြီး သင်တန်းကြေးအနေနဲ့တော့ ငွေကျပ်(၂)သိန်းက စတင်ပြီး တက်ရောက်မယ့်ကဏ္ဍအလိုက် သင်တန်းကြေးမတူညီဘူးလို့ သိရပါတယ်။ဒီသင်တန်းတွေကိုလက်ရှိမှာ လတိုသင်တန်းတွေသာ ဖွင့်လှစ်ပေးမှာဖြစ်ပြီး နောက်ပိုင်းမှာ တစ်နှစ်သင်တန်းတွေကိုပါ ဖွင့်လှစ်ပေးသွားမှာဖြစ်ပြီး Diploma Degree အထိ တတ်မြောက်အောင် သင်ကြားပေးသွားမယ်လို့ သိရပါတယ်။ သင်တန်းကာလ ပြီးဆုံးသွားရင်တော့ သင်တန်းသားတွေကို ဟိုတယ်နှင့်ခရီးသွားလာရေးသင်တန်းကျောင်း သက်ဆိုင်ရာဟိုတယ်တွေနဲ့ ချိတ်ဆက်ပြီး အလုပ်အကိုင်ရရှိအောင် ဆောင်ရွက်ပေးသွားမယ်လို့ သိရပါတယ်။ 

 

Related News