ရန်ကုန်တိုင်းဒေသကြီး ရွှေလုပ်ငန်းရှင်များအသင်းမှ ၂၀၁၈ ဒုတိယအကြိမ်မြာက် ရွှေပညာဒါန သင်တန်းမှာ ယခင်နှစ်တွေကထက် အယောက်(၄၀)နီးပါး ပိုမိုပြီးလာရောက်တက်ကြတာကိုတွေ့ရပါတယ်။ 
ယခုခေတ်ရွှေလုပ်ငန်းစိတ်ဝင်စားတဲ့ လူငယ်တွေအနေနဲ့ ရွှေပညာနဲ့ပတ်သက်လို့ အသိပညာတွေ ရရှိစေဖို့အတွက် ဖေဖော်ဝါရီလ(၁၉)ရက်မှ ဖေဖော်ဝါရီလ(၂၈)ရက်အထိ သင်တန်းကာလ(၁၀)ရက်ဖွင့်လှစ် သင်ကြားပေးနေတာဖြစ်ပါတယ်။ သင်တန်းကာလအတွင်း ရွှေအရောင်းအ၀ယ်ကဏ္ဍမှာ တာဝန်ကျတဲ့ သင်တန်းဆရာတွေနဲ့ ယခုလက်ရှိ ရွှေလုပ်ငန်းတွေမှာ အောင်မြင်နေတဲ့ လုပ်ငန်းရှင်တွေက သင်ကြားပေးသွားမှာ ဖြစ်တယ်လို့ သိရပါတယ်။ ယခု ထပ်မံဖွင့်လှစ်လိုက်တဲ့ (၂/၂၀၁၈) ရွှေပညာဒါနသင်တန်းမှာ လာရောက်သင်ယူကြတဲ့ သင်တန်းသူ၊ သင်တန်းသား တွေဟာ လူငယ်ပိုင်းတွေ၊ နယ်မှလာရောက်သင်ကြားသူတွေ များပါတယ်။သင်တန်းကာလအတွင်းမှာ ရွှေထုတ်လုပ်တူးဖော်တဲ့လုပ်ငန်း၊ ရွှေသန့်စင်တဲ့လုပ်ငန်း၊ ရွှေပန်းထိမ်လုပ်ငန်း၊ ရွှေဆိုင်ဖွင့်တဲ့လုပ်ငန်း၊ ရွှေအပေါင်ခံခြင်းလုပ်ငန်း၊ ရွှေအရည်အသွေးစစ်ခြင်း လုပ်ငန်း၊ ရွှေဖြူတွေရဲ့ကွဲပြားခြားနားတဲ့ သဘောသဘာဝတွေ၊ ကျောက်မျိုးစုံရဲ့ ကွဲပြားခြားနားမှု အကြောင်းအစရှိတဲ့ ရွှေလုပ်ငန်းနဲ့ပတ်သက်ပြီး  အသက်မွေးဝမ်းကြောင်းပြုလုပ်နိုင်အောင် အချိန်အတိုအတွင်း သင်ကြားပို့ချပေးခဲ့ပါတယ်။

 

 

Related News