ဓမ္မစကူးလ်ဖောင်ဒေးရှင်း (၅)နှစ်ပြည့်နှစ်ပတ်လည်စုံညီပွဲတော်အတွက် အကြိုစာတမ်းဖတ်ပွဲနဲ့ အလုပ်ရုံဆွေးနွေးပွဲကို ဇန်န၀ါရီလ(၆)ရက်က သုဝဏ္ဏအမျိုးသားအားကစားပြိုင်ပွဲရုံ (၁)မှာ ပြုလုပ်ခဲ့တာဖြစ်ပါတယ်။ ဓမ္မစကူးလ်ဖောင်ဒေးရှင်း (၅)နှစ်ပြည့်နှစ်ပတ်လည်စုံညီပွဲတော်အတွက် အကြို စာတမ်းဖတ်ပွဲနဲ့ အလုပ်ရုံဆွေးနွေးပွဲကို တိုင်းဒေသကြီးနဲ့ပြည်နယ်အသီသီးက ဦးဆောင်ဆရာတော်တွေနဲ့ ဆရာ၊ ဆရာမတွေကို ပင့်ဖိတ်ပြီး ပြုလုပ်တာဖြစ်ပါတယ်။ စာတမ်းဖတ်ပွဲကို ကဏ္ဍလေးခုနဲ့အခန်း(၁၀)ခန်း ခွဲခြားပြီး ဆွေးနွေးသွားကြပါတယ်။ စာတမ်းဖတ်ပွဲကို ဓမ္မစကူးလ်သင်ရိုးညွှန်းတန်းဆိုင်ရာကဏ္ဍ၊ ဓမ္မစကူးလ်သင်ကြားနည်းစနစ်ပိုင်းဆိုင်ရာကဏ္ဍ၊ ဓမ္မစကူးလ်ဆရာဖြစ်သင်တန်းများ ဆိုင်ရာကဏ္ဍ၊ ဓမ္မစကူးလ်တိုင်း ဒေသမြို့နယ်ဆိုင်ရာကဏ္ဍ အစရှိတဲ့ခေါင်းစဉ်လေးခုနဲ့ဖတ်ကြားခဲ့တာ ဖြစ်ပါတယ်။
 
ဇန်န၀ါရီ(၇)ရက်နေ့မှာ ပြုလုပ်တဲ့ဓမ္မစကူးလ်ဖောင်ဒေးရှင်း (၅)နှစ်ပြည့် နှစ်ပတ်လည် စုံညီပွဲတော်မှာ ပြည်နယ်နဲ့တိုင်းဒေသကြီးအသီးသီးမှ ဦးဆောင်ဆရာတော်တွေနဲ့ ဆရာ၊ ဆရာမတွေ (၁၅၀၀၀)နီးပါး တက်ရောက်ကြမှာဖြစ်တယ်လို့သိရပါတယ်။ နှစ်ပတ်လည်စုံညီပွဲတော်မှာ တိုင်းဒေသကြီးနဲ့ ပြည်နယ်အသီးသီးရဲ့ ဓမ္မစကူးလ်ကျောင်း ပေါင်းများစွာမှ ဦးဆောင် ဆရာတော် တွေနဲ့ ဆရာ၊ဆရာမတွေ တွေ့ဆုံမှုတွေနဲ့ မနက်(၉)နာရီ အချိန်မှာတော့ နိဗ္ဗာန်ဈေး ဖွင့်လှစ်ပြီး ဓမ္မစကူးလ်မှ ကလေးငယ်တွေရဲ့ဖျော်ဖြေရေးအစီအစဉ်တွေ ပါဝင်တယ်လို့ သိရပါတယ်။
 
ဓမ္မစကူးလ်မှာ သင်ကြားပေးတဲ့ဘာသာရပ်တွေအနေနဲ့ ဗုဒ္ဓဘာသာစာရိတ္တတရားဖြစ်ပွား အောင်ဆောင်ရွက်တာဖြစ်တဲ့အတွက် ရတနာ(၃)ပါးကဏ္ဍ၊ ဗုဒ္ဓ၀င်ကဏ္ဍ၊ မင်္ဂလာတရားတော်ကဏ္ဍ၊ ဗုဒ္ဓတရားတော်ကဏ္ဍ၊ သာသနာသမိုင်းဆိုင်ရာကဏ္ဍ၊ နေ့စဉ် လူမှုဘ၀မှာ ဆောင်ရွက်ရမယ့် လူ့ကျင့်ဝတ်တွေအစရှိတဲ့ ဘာသာရပ်တွေကို သင်ကြားပေးတာဖြစ်ပါတယ်။
 
လက်ရှိမှာ တိုင်းနဲ့ပြည်နယ်အသီးသီးမှာ ဓမ္မစကူးလ်ကျောင်းသားပေါင်း (၂)သန်းနီးပါးရှိပြီး  ဓမ္မစကူးလ်ဆရာ ဆရာမဦးရေ (၅)သောင်းထိ ရှိတယ်လို့သိရပါတယ်။ ဓမ္မစကူးလ် ကျောင်းအများစုတည်ရှိတဲ့  ပြည်နယ်နဲ့တိုင်းဒေသကြီးတွေကတော့ စစ်ကိုင်းတိုင်းဒေသကြီး၊ မကွေးတိုင်းဒေသကြီး၊ ပဲခူးတိုင်း ဒေသကြီး၊ ဧရာဝတီတိုင်းဒေသကြီးတို့မှာ အများဆုံးရှိတည်ရှိနေ တယ်လို့သိရပါတယ်။
 
 
 

Related News