ပညာရေးဝန်ကြီးဌာန၊ အခြေခံပညာဦးစီးဌာနရဲ့ (၂၀၁၇-၂၀၁၈)ခုနှစ် ရန်ကုန်တိုင်းဒေသကြီး ပညာရေးစုံညီပွဲတော်ကို ဒီကနေ့ဇန်န၀ါရီလ(၃)ရက်က အလုံမြို့နယ်ရှိ အမှတ်(၄) အခြေခံပညာ အထက်တန်းကျောင်းမှာကျင်းပခဲ့ပါတယ်။ ဒီပညာရေးစုံညီပွဲတော်မှာ အစိုးရရဲ့အဓိကမူဝါဒဟာ ပညာရေးတိုးတက်လာဖို့ ဖြစ်ပြီးပညာရေးနဲ့ ပတ်သက်ပြီးပြု ပြင်ပြောင်းလဲနေတဲ့အခြေအနေတွေအပြင် ကျောင်းသား၊ ကျောင်းသူတွေအနေနဲ့ ဘာသာရပ်ရွေးချယ်ရာမှာ အလုပ်အကိုင်အခွင့်အလမ်းရအောင်ရွေးချယ်ရတဲ့အခြေအနေမှ သင်ကြားလိုမှုစိတ်ဆန္ဒနဲ့ သင်ကြားခွင့်ကိုရနိုင် ဖို့ ပြောင်းလဲကြရမှာဖြစ်တယ်လို့ ရန်ကုန်တိုင်းဒေသကြီး ၀န်ကြီးချုပ်ကပြောပါတယ်။

အခုပြုလုပ်ခဲ့တဲ့ ပညာရေးစုံညီပွဲတော်မှာ(၂၀၁၇-၂၀၁၈)ခုနှစ်ပညာသင်နှစ်တစ်နှစ်ပတ်လုံးရဲ့ ပညာရေး၊ ကျန်းမာရေး၊ အားကစားစတဲ့ ဘက်ပေါင်းစုံကထူးချွန်တဲ့ကျောင်းသားကျောင်းသူတွေနဲ့ ဆရာဆရာမတွေကို ဆုချီးမြှင့်ခဲ့ပါတယ်။ဒါ့အပြင် ရန်ကုန်တိုင်းဒေသကြီးအတွင်းရှိမြို့နယ်အသီးသီးက (၂၀၁၇-၂၀၁၈)ခုနှစ် ပညာသင်နှစ်မှာ တိုးတက်မှု အကောင်းဆုံးဆောင်ရွက်နိုင်ခဲ့တဲ့ မြို့နယ်(၅)ခုကိုလည်း ဆုချီးမြှင့်ခဲ့တယ်လို့သိရပါတယ်။လာမယ့် (၂၀၁၈- ၂၀၁၉)ခုနှစ်ပညာသင်နှစ်ရဲ့ပညာရေးစုံညီပွဲတော်မှာ ရန်ကုန်တိုင်းဒေသကြီး အတွင်းရှိ ကျောင်းများအားလုံးကို ပညာရေး၊ ကျန်းမာရေး၊ အားကစား၊ စည်းကမ်းစတဲ့ ဘက်ပေါင်းစုံတော်တဲ့ကျောင်းသား၊ ကျောင်းသူတွေကို ဘယ်ကျောင်းက မွေးထုတ်ပေးနိုင်လည်း ဆိုတာကိုပါယှဉ်ပြိုင်စေမှာဖြစ်တယ်လို့ သိရပါတယ်။

 

 

Related News