(၂၀၁၇)တက္ကသိုလ်ဝင်တန်းစာမေးပွဲကိုထူးချွန်စွာအောင်မြင်ပြီး တက္ကသိုလ်ဆက်တက်ဖို့အတွက် အခက်အခဲရှိတဲ့ ကျောင်းသားကျောင်းသူတွေအနေနဲ့ သတင်းစာဆရာကြီးလူထုစိန်ဝင်းရဲ့ ပညာသင်ဆုကိုလျှောက်ထားနိုင်တယ်လို့သိရပါတယ်။ဆရာကြီးလူထုစိန်ဝင်းရဲ့ပညာသင်ဆုရွေးချယ်ရေးအဖွဲ့ကို ဆရာကြီးလူထုစိန်ဝင်းရဲ့ ကွယ်လွန်စဉ်ကတည်းက စတင်ဖွဲ့စည်းခဲ့တာဖြစ်ပြီးတက္ကသိုလ်ဝင်တန်းကိုထူးထူးချွန်ချွန်အောင်မြင်ပြီး တက္ကသိုလ်ဆက်တက်ဖို့အတွက်ခက်ခဲတဲ့ကျောင်းသားကျောင်းသူတွေကိုရွေးချယ်ပြီး ပညာသင်ဆု ပေးအပ်နေတာဖြစ်ပါတယ်။

ဆရာကြီးလူထုစိန်ဝင်းရဲ့ ပညာသင်ဆုပေးအပ်ဖို့ရွေးချယ်ရာမှာတော့ပညာသင်ဆုရဖို့အတွက်လျှောက်ထားတဲ့ကျောင်းသားကျောင်းသူတွေကို လူထုစိန်ဝင်းပညာသင်ဆု ရွေးချယ်ရေးအဖွဲ့က သေချာစီစစ်ရွေးချယ်ပြီး ပေးအပ်တာဖြစ်တယ်လို့သိရပါတယ်။ပညာသင်ဆုအတွက် တစ်နှစ်ကို ကျောင်းသားကျောင်းသူဦးရေ (၇၀)ကနေ (၁၀၀)ကြားလာရောက်လျှောက်ထားကြပြီး ပညာသင်ဆုကို (၁၀)ယောက်ကျော်ခန့်အပ်ပေးသွားမှာဖြစ်တယ်လို့သိရပါတယ်။ဆရာကြီးလူထုစိန်ဝင်းရဲ့ပညာသင်ဆုလျောက်ထားလိုသူတွေအနေနဲ့ ဆရာကြီးလူထုစိန်ဝင်းရဲ့ ပညာသင်ဆုရွေးချယ်ရေးအဖွဲ့ကိုလျှောက်လွှာတင်ရမှာဖြစ်ပြီး လူထုစိန်ဝင်း Facebook page နဲ့ ၃၉ လမ်း နဲ့ကုန်သည်လမ်းထောင့်မှာရှိတဲ့ ဆရာကြီးလူထုစိန်ဝင်း ရဲ့နေအိမ်မှာ လျှောက်လွှာတွေ ထုတ်ယူနိုင်တယ်လို့သိရပါတယ်။

 

 

Related News