(၂၀၁၇)တက္ကသိုလ်ဝင်စာမေးပွဲမှာ တစ်နိုင်ငံလုံးအတိုင်းအတာအနေနဲ့့အောင်ချက် (၃၃.၈၉) ရာခိုင်နှုန်း ရှိပြီး ပြီးခဲ့တဲ့(၂၀၁၆) တက္ကသိုလ်ဝင်စာမေးပွဲမှာ အောင်ချက်ရာခိုင်နှုန်း (၂၉.၉၂) ရာခိုင်နှုန်းရှိခဲ့တာမို့ မနှစ်ကထက် အောင်ချက်ရာခိုင်နှုန်း များလာတယ်လို့ မြန်မာနိုင်ငံစာစစ်ဦးစီးဌာန ထုတ်ပြန်ချက်တွေအရ သိရပါတယ်။ (၂၀၁၇)တက္ကသိုလ်ဝင်စာမေးပွဲမှာ ၀င်ရောက် ဖြေဆိုသူ(၇၁၆၁၈၈)ဦးရှိခဲ့ပြီ အောင်မြင်သူ(၂၄၂၇၃၆)ဦးရှိတယ်လို့ သိရပါတယ်။

 (၂၀၁၇)တက္ကသိုလ်ဝင်စာမေးပွဲမှာ တိုင်းဒေသကြီးနှင့်ပြည်နယ်အလိုက်အောင်ချက် ရာခိုင်နှုန်း ထုတ်ပြန်ချက်များအရ မွန်ပြည်နယ်က အောင်ချက်ရာခိုင်နှုန်း (၄၁.၁၂)ရာခိုင်နှုန်းနဲ့ အောင်ချက်အများဆုံးဖြစ်ပြီး ၀င်ရောက်ဖြေဆိုသူ (၂သောင်း၂ထောင့်၆ရာ)ကျော်မှာ အောင်မြင်သူ (၉၃၀၁)ဦး ရှိတယ်လို့ သိရပါတယ်။ ဒုတိယအောင်ချက်အများဆုံးကတော့ မန္တလေးတိုင်းဒေသကြီးက အောင်ချက် (၄၀.၂၂) ရာခိုင်နှုန်း၊ တတိယအနေနဲ့ မကွေးတိုင်းဒေသကြီးက (၃၇.၉၈)ရာခိုင်နှုန်း၊ ရန်ကုန်တိုင်းဒေသကြီးက (၃၇.၂၄)ရာခိုင်နှုန်းနဲ့ စတုတ္ထအများဆုံးဖြစ်တယ်လို့ သိရပါတယ်။

အခြားတိုင်းဒေသကြီးနဲ့ ပြည်နယ်များရဲ့အောင်ချက်ရာခိုင်နှုန်းတွေကတော့ စစ်ကိုင်းတိုင်း ဒေသကြီး (၃၇.၇၁)ရာခိုင်နှုန်း ရှမ်းပြည်နယ်(မြောက်ပိုင်း) (၃၅.၅၁) ရာခိုင်နှုန်း၊ နေပြည်တော် (၃၄.၆၈)ရာခိုင်နှုန်း၊ ပဲခူးတိုင်းဒေသကြီး(အနောက်) (၃၃.၃၉)ရာခိုင်နှုန်း ရှမ်းပြည်နယ် (တောင်ပိုင်း) (၃၂.၃၈)ရာခိုင်နှုန်း၊ တနင်္သာရီတိုင်းဒေသကြီး (၃၁.၃၅)ရာခိုင်နှုန်း၊ ကယားပြည်နယ်မှာ (၃၀.၂၅)ရာခိုင်နှုန်း၊ ကချင်ပြည်နယ် (၃၀.၀၅)ရာခိုင်နှုန်း၊ ပဲခူးတိုင်းဒေသကြီး(အရှေ့) (၂၉.၆၄)ရာခိုင်နှုန်း၊ ကရင်ပြည်နယ် (၂၉.၄၇)ရာခိုင်နှုန်း၊ ဧရာဝတီတိုင်းဒေသကြီး (၂၇.၄၆) ရာခိုင်နှုန်း၊ ရှမ်းပြည်နယ်(အရှေ့ပိုင်း) (၂၄.၅၃)ရာခိုင်နှုန်းနဲ့ ချင်းပြည်နယ်မှာ (၁၉.၀၄)ရာခိုင်နှုန်းနဲ့ ရခိုင်ပြည်နယ်အောင်ချက်မှာ (၁၇.၁၆)ရာခိုင်နှုန်းရှိတယ်လို့ သိရပါတယ်။(၂၀၁၇) တက္ကသိုလ်ဝင်စာမေးပွဲကို ပြည်ပမှ ၀င်ရောက်ဖြေဆိုသူ (၁၅၀)မှာ အောင်မြင်သူ (၂၉)ဦးရှိပြီး အောင်ချက်အနေနဲ့ (၁၉.၃၃) ရာခို်င်နှုန်းရှိတယ်လို့သိရပါတယ်။ 

 

 

Related News