၂၀၁၆ -၂၀၁၇ပညာသင်နှစ်အတွက် တက္ကသိုလ်ဝင်စာမေးပွဲ အောင်စာရင်းကို ဇွန်လ(၁၇) ရက်မှာ တစ်နိုင်ငံလုံးရှိ အခြေခံပညာကျောင်းတွေနဲ့ သက်ဆိုင်ရာ စာစစ်ဌာနတွေမှာ ထုတ်ပြန်ခဲ့ ပါတယ်။ ၂၀၁၆-၂၀၁၇ ပညာသင်နှစ် တက္ကသိုလ်ဝင်တန်းစာမေးပွဲအောင်စာရင်းတွေကို ဇွန်လ၁၇ရက် နံနက်၆နာရီမှာ ထုတ်ပြန်ဖို့ကြေညာခဲ့ပေမယ့် ကျောင်းသားမိဘတွေနဲ့ ကျောင်းသား ကျောင်းသူ တွေဟာ ဇွန်လ ၁၆ရက် ညအချိန်ကတည်းက အခြေခံပညာကျောင်းတွေရှေ့မှာ လာရောက် စောင့်ဆိုင်းနေခဲ့ကြပြီး စာမေးပွဲအောင်စာရင်းကိုတော့ ဇွန်လ၁၇ရက် မနက်အစောပိုင်း ကတည်းက ထုတ်ပြန်ခဲ့ပါတယ်။

အ.ထ.က(၆)ဗိုလ်တစ်ထောင်မှာတော့ ယခင်နှစ်တွေကထက် စာမေးပွဲအောင်ချက် မြှင့်တက်လာ ပေမယ့် ဂုဏ်ထူးထွက်တဲ့ အရေအတွက်ကတော့ ယခင်နှစ်ကနည်းတူ ထွက်ရှိခဲ့တယ်လို့ပြောပါတယ်။ ၂၀၁၆-၂၀၁၇ ပညာသင်နှစ် တက်္ကသိုလ်ဝင်တန်းစာမေးပွဲကို မတ်လ၈ရက်မှ မတ်လ(၁၇) ရက်အထိ ကျင်းပခဲ့ရာ စာမေးပွဲဝင်ရောက်ဖြေဆိုသူ (၇)သိန်းကျော်ရှိပြီး တစ်နိုင်ငံလုံး အတိုင်းအတာ အနေနဲ့ စာစစ်ဌာနပေါင်း ၈၀၀ ကျော်ထားရှိခဲ့တယ်လို့ သိရပါတယ်။

 

Related News