ပြည်တွင်းရဲ့ စတော့ဈေးကွက်မှာ နိုင်ငံခြားသားတွေပါ ပါဝင်အရောင်းအ၀ယ်ပြုလုပ်နိုင်တော့မှာ ဖြစ်ပါတယ်။ ဘာလို့လည်းဆိုတော့ ရန်ကုန်စတော့အိတ်ချိန်းမှာ နိုင်ငံခြားသားတွေ ရှယ်ယာရောင်းဝယ်ခွင့် စတင်ခွင့်ပြုလိုက်လို့ ဖြစ်ပါတယ်။ အစိုးရက ဇူလိုင်(၁၂)ရက်မှာ ခွင့်ပြုလိုက်တာဖြစ်ပြီး အရောင်းအ၀ယ်စတင်နိုင်မယ့်ရက်ကို ရန်ကုန်စတော့အိတ်ချိန်းဘက်က ကြေညာပေးမှာဖြစ်ကာ လိုအပ်တဲ့ အပြီးသတ် ပြင်ဆင်မှုတွေအတွက် (၃)လအတွင်း စတင်နိုင်အောင် စီစဉ်နေပြီလို့ သိရပါတယ်။ မြန်မာနိုင်ငံကုမ္ပဏီဥပဒေသစ်အရ မြန်မာကုမ္ပဏီတွေမှာ နိုင်ငံခြားသားရှယ်ယာ(၃၅)ရာခိုင်နှုန်းအထိ ပါဝင်ခွင့်ပြုထားတာ ဖြစ်ပါတယ်။

စတော့အိတ်ချိန်းမှာ နိုင်ငံခြားသားတွေအနေနဲ့ အဆိုပါပမာဏအထိ အရောင်းအ၀ယ်ပြုလုပ်နိုင်မှာဖြစ်ပြီး ကုမ္ပဏီတွေဘက်က ဘယ်လောက်အထိ ထုတ်ရောင်းမလည်းဆိုတာကို စတော့အိတ်ချိန်းကို ကြိုတင်တင်ပြရမှာ ဖြစ်ပါတယ်။ ရန်ကုန်စတော့အိတ်ချိန်းမှာ ပထမဆုံးရှယ်ယာ အရောင်းအ၀ယ်စတင်တဲ့ ၂၀၁၆ မတ်လ(၂၅)ရက်ကနေ အခုနှစ် မတ်လ(၂၅)ရက်အထိ သုံးနှစ်အတွင်း ကျပ်(၁၁၇)ဘီလီယံကျော် တန်ဖိုးရှိတဲ့ ရှယ်ယာအရေအတွက်(၁၀)သန်းကျော် အရောင်းအ၀ယ်ဖြစ်ခဲ့တယ်လို့ သိရပါတယ်။ ရန်ကုန်စတော့အိတ်ချိန်းကို ၂၀၁၅ ခုနှစ် ဒီဇင်ဘာမှာ စတင်ဖွင့်လှစ်ခဲ့တာဖြစ်ပြီး ၂၀၁၆ ခုနှစ် မတ်လ ၂၅ရက်မှာ FMI အများပိုင်ကုမ္ပဏီက ပထမဆုံးစာရင်းဝင် ကုမ္ပဏီအဖြစ် ရှယ်ယာ စတင်ရောင်းချခဲ့တာ ဖြစ်ပါတယ်။ ရန်ကုန်စတော့အိတ်ချိန်းမှာ FMI၊ သီလ၀ါအများပိုင်ကုမ္ပဏီ(MTSH)၊  မြန်မာနိုင်ငံသားများဘဏ် (MCB)၊ ပထမပုဂ္ဂလိကဘဏ် (FPB)နဲ့ TMH တယ်လီကွန်းအများပိုင်ကုမ္ပဏီတွေက စာရင်းဝင်ကုမ္ပဏီတွေအဖြစ် ၀င်ရောက်ထားတာ ဖြစ်ပါတယ်။

 

 

Related News