မြန်မာနိုင်ငံမှာ စီးပွားရေးလုပ်ကိုင်ရန် လွယ်ကူမှုအခြေအနေတိုးတက်ကောင်းမွန်လာရေး ဆွေးနွေးပွဲကို ဇွန်လ(၂၆)ရက်က ရန်ကုန်မြို့ရှိ Melia ဟိုတယ်မှာပြုလုပ်ခဲ့ပါတယ်။ အဆိုပါအစည်းအဝေးမှာ အစိုးရတာဝန်ရှိပုဂ္ဂိုလ်များနဲ့ မြန်မာနိုင်ငံရှိ အမေရိကန်ကုန်သည်ကြီးများအသင်းအဖွဲ့က တာဝန်ရှိသူများက မြန်မာနိုင်ငံ စီးပွားရေးလုပ်ကိုင်ရန် လွယ်ကူမှုအခြေအနေ တိုးတက်ကောင်းမွန်လာရေးအတွက် အခြေခံအဆောက်အဦ၊ အခွန်ကိစ္စများ၊ အလုပ်သမားရေးရာ၊ ဘဏ္ဍာရေး ၀န်ဆောင်မှုများနဲ့ လုပ်ငန်းနယ်ပယ်အသီးသီးရှိ စီးပွားကူးသန်းရောင်းဝယ်မှုဆိုင်ရာကိစ္စရပ်များစတဲ့ နယ်ပယ်ကဏ္ဍ များစွာကို ဆွေးနွေးခဲ့ပါတယ်။ဒီဆွေးနွေးပွဲမှာ အမေရိကန်ကုန်သည်ကြီးများအသင်းက မြန်မာနိုင်ငံမှာ ရင်းနှီးမြှုပ်နှံမှုလုပ်ငန်းများလုပ်ကိုင်ရာမှာ ညွှန်ကြားချက်၊ အမိန်ကြေညာစာတွေကို ပိုပြီးရှင်းရှင်းလင်းလင်းဖြစ်အောင် လုပ်ဆောင်ဖို့ ၊ လျှပ်စစ်ဓာတ်အားရရှိနိုင်ဖို့ ကိုလည်း တင်ပြဆွေးနွေးခဲ့ပါတယ်။ လျှပ်စစ်မီးမရရှိရင် ရင်းနှီးမြှုပ်နှံဖို့ အခက်အခဲရှိနိုင်တယ်လို့ဆိုပါတယ်။ဒီထိပ်သီးအစည်းအဝေးမှာဆွေးနွေးခဲ့တဲ့ ရလဒ်တွေကို  အမေရိကန်ကုန်သည်ကြီးများအသင်းက မူဝါဒရေးရာ အကြံပြုလွှာအပြည့်အစုံကို သက်ဆိုင်ရာ ၀န်ကြီးဌာန အသီးသီးကို ပေးပို့သွားမှာဖြစ်ပါတယ်။ ဒီအခမ်းအနားကို သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန ဒုတိယ၀န်ကြီးနဲ့ စီးပွားရေးနှင့် ကူးသန်းရောင်းဝယ်ရေး ၀န်ကြီးဌာန ဒုတိယ၀န်ကြီးတို့ တက်ရောက်ခဲ့ပါတယ်။

 

 

Related News