ဇွန်လပထမအပတ်အတွင်းမှာ  ပြည်တွင်းရွှေဈေး အခေါက်တစ်ကျပ်သားကို  ဆယ်သိန်း(၆)သောင်းဝန်းကျင်ကနေ ဇွန်လဒုတိယအပတ်မှာတော့  တစ်ကျပ်သားကို ဆယ်သိန်းခုနှစ်သောင်းထိ ဈေးမြင့်တက်ခဲ့ပါတယ်။ပြည်တွင်းရွှေဈေးက ပြီးခဲ့တဲ့ မေလကတည်းက အခေါက်ရွှေတစ်ကျပ်သားကို (၁၀)သိန်း ငါးသောင်းကျော်ကနေ တစ်ရိပ်ရိပ်မြင့်တက်လာခဲ့ရာ လက်ရှိမှာတော့ ကမ္ဘာ့ရွှေဈေးမြင့်တက်လာတာကြောင့် ပြည်တွင်းအခေါက်ရွှေဈေးက တစ်ကျပ်သားကို ငွေကျပ်ဆယ်သိန်းခုနှစ်သောင်းအထိ မြင့်တက်လာခဲ့တာဖြစ်ပါတယ်။ နိုင်ငံတကာရွှေဈေးဟာ လက်ရှိမှာ မြင့်တက်နေတာကြောင့် ပြည်တွင်းရွှေဈေးလိုက်တက်ရတာဖြစ်တယ်လို့ သိရပါတယ်။ ဒီလို ပြည်တွင်းရွှေဈေး မြင့်တက်လာတာကြောင့် ရွှေဆိုင်တွေ အရောင်းအ၀ယ်အေးနေတယ်လို့ ရွှေဆိုင်ပိုင်ရှင်တွေက ပြောပါတယ်။ကမ္ဘာ့ရွှေဈေးက တစ်အောင်စကို အမေရိကန်ဒေါ်လာ (၁၃၄၀)အထိ မြင့်တက်လာသလို ပြည်တွင်းအခေါက်ရွှေဈေး ကလည်း ဈေးမြင့်တက်လာရတာဖြစ်ပါတယ်။ ဒီလိုဈေးတက်လာတွေကြောင့် ရွှေတုံး၊ ရွှေခဲ ၀ယ်ယူစုဆောင်းသူတွေ နည်းလာပြီး လက်ဝတ်ရတနာပစ္စည်းတွေကိုသာ ၀ယ်ယူကြတော့တာ ဖြစ်ပါတယ်။ဒီနေ့ ဇွန်လ(၁၀)ရက်ရဲ့ ပြည်တွင်းအခါက်ရွှေဈေးက တစ်ကျပ်သားကို ငွေကျပ် ဆယ်သိန်းခုနှစ်သောင်းရှိပြီး(၁၅)ပဲရည်တစ်ကျပ်သားကို ငွေကျပ် ဆယ်သိန်းခုနှစ်ထောင် ပေါက်ဈေးရှိနေပါတယ်။

 

 

Related News