စက်မှုဝန်ကြီးဌာန၊ စက်မှုကြီးကြပ်ရေးနှင့် စစ်ဆေးရေးဦးစီးဌာန နဲ့ Kyopay Technologies Company တို့ပူးပေါင်းပြီး MSME လုပ်ငန်းရှင်တွေအတွက် ငွေကြေးလည်ပတ်မှုမှာ အထောက်အကူပြုစေမယ့် ငွေကြေးလည်ပတ်မှုဆောင်ရွက်ပေးနိုင်တဲ့ ၀န်ဆောင်မှု ဟောပြောပွဲကို မေလ (၃၁)ရက်က ရန်ကုန်မြို့ရှိ SME စင်တာမှာပြုလုပ်ခဲ့ပါတယ်။ဒီဆွေးနွေးပွဲမှာ  ကုန်ပစ္စည်းတွေကိုရောင်းချပြီး ငွေချက်ချင်းမရရှိတာကြောင့် မိမိမှာရှိတဲ့ ရရန်ရှိ ပြေစာ(Receivable Invoice)တွေကို Kyo Pay ပလက်ဖောင်းမှာလျှော့ဈေးနဲ့ ရောင်းချနိုင်မှာဖြစ်ပြီး ရောင်းချသူတွေအဆင်ပြေစေဖို့ လိုက်လံကူညီပေးတာ၊ရရန်ရှိဘောင်ချာ (invoice)များ စစ်ဆေးပေးခြင်း၊ငွေပေးချေမှုကောက်ခံပေးခြင်းတို့ကို ဆောင်ရွက်ပေးနေတာတွေကို ဟောပြောခဲ့တာဖြစ်ပါတယ်။

ဒီအခမ်းအနားကို ကြိုပေးရဲ့ ၀န်ဆောင်မှုတွေနဲ့ ပတ်သက်ပြီး လုပ်ငန်းရှင်တွေ ပိုမိုသိရှိလာစေဖို့ ရည်ရွယ်ကာ SME လုပ်ငန်းရှင်တွေကို ရှင်းလင်းပြောကြားခဲ့တာလို့သိရပါတယ်။ စက်မှုကြီးကြပ်ရေးနှင့် စစ်ဆေးရေးဦးစီးဌာန အနေနဲ့ နောက်ပိုင်းမှာ အနယ်နယ်အရပ်ရပ်မှာရှိတဲ့ MSME လုပ်ငန်းတွေကို ဆက်လက်အသိပညာပေးသွားမှာဖြစ်တယ်လို့သိရပါတယ်။ကြိုပေး Platform အနေနဲ့ ၂၀၂၀ ပြည့်နှစ် မှာ SME လုပ်ငန်း တစ်သောင်းကျော်ကို ၀န်ဆောင်မှုပေးနိုင်ဖို့မျှော်မှန်းထားပြီး အမေရိကန်ဒေါ်လာသန်း (၂၀၀)ခန့်ကို ကြိုပေးရဲ့ Platform ကိုသုံးပြီး ၀န်ဆောင်မှုပေးဖို့မျှော်မှန်းထားတယ်လို့သိရပါတယ်။

 

 

Related News