မူဆယ်နယ်စပ်မှတစ်ဆင့် တရုတ်ပြည်ကို နယ်စပ်ပို့ဆောင်မှုနဲ့ ပို့ဆောင်ခွင့်မရရှိတော့တာကြောင့် ဆန်ကြမ်းဈေးတွေ အနိမ့်ဆုံးဈေးအထိ ရောက်ရှိခဲ့တယ်လို့ သိရပါတယ်။ဆန်ကြမ်းဈေးတွေဟာ ပြီးခဲ့တဲ့နှစ်ထက် တစ်အိတ်ကို ငွေကျပ် (၂၅၀၀)၊(၃၀၀၀) ၀န်းကျင်ဈေးကျလာခဲ့ပြီး ဆန်ကွဲ ဈေးကတော့ တစ်အိတ်ကို ကျပ်(၄၅၀၀) အထိ ဈေးကျသွားတယ်လို့ သိရပါတယ်။ ဘုရင့်နောင်ကုန်စည်ဒိုင်မှာ ဆန်သား (၇၀)ရာခိုင်နှုန်းပါတဲ့ ဆန်တစ်အိတ်ကို ငွေကျပ် (၁၇၀၀၀) ၊ဆန်သား (၈၅)ရာခိုင်နှုန်းပါတဲ့ ဆန်တစ်အိတ်ကို ငွေကျပ် (၁၈၂၀၀)၊ဆန်သား (၅၅)၊(၆၀)ရာခိုင်နှုန်းပါတဲ့ ဆန်တစ်အိတ်ကို ငွေကျပ် (၁၆၃၀၀) ရှိပြီး ဆန်ကွဲက တော့ ငွေကျပ် (၁၃၇၀၀) မှ (၁၄၇၀၀)ထိပေါက် ဈေးရှိတယ်လို့သိရပါတယ်။

ပင်လယ်ရေကြောင်းမှ တစ်ဆင့် ပြည်ပပို့ဆောင်မှုတစ်မျိုးသာရှိတာကြောင့် ရေငွေ့မပါတဲ့ အရည်အသွေးကောင်းတဲ့ ဆန်တွေကိုသာ ရွေးချယ်ဝယ်ယူကြတယ်လို့သိရပါတယ်။  ၀ယ်ယူပြီးရင်တော့ တန်းမြင့်ဆန်အဖြစ်ရောက်ရှိအောင် အရောင်တင်တာ၊ အရည်အသွေးမြင့်တာတွေကို လုပ်ဆောင်ပြီးမှ သာတင်ပို့ရတယ်လို့သိရပါတယ်။ ဆန်က နယ်စုံကထွက်နေပြီဖြစ်တာကြောင့် ဆန်အ၀င်များပေမယ့် ပင်လယ်ရေကြောင်းတစ်ခုတည်းကသာ ပို့ဆောင်နေရတာကြောင့် ဆန်ဈေးတွေဆက်တိုက် ဈေးကျလာတာလို့သိရပါတယ်။စပါးဈေးအနေနဲ့လည်း စပါးအခြောက်တင်း (၁၀၀)ကို ငွေကျပ် (၄၄၀၀၀၀)မှ (၄၅၀၀၀၀)ထိပေါက်ဈေးရှိပြီး စပါးအစိုတင်း (၁၀၀)ကိုငွေကျပ် (၄၀၀၀၀၀)၀န်းကျင်သာရှိပြီး အခြေခံဈေးနှုန်းအောက်ကိုရောက်ရှိနေတယ်လို့သိရပါတယ်။

 

 

Related News