နိုင်ငံတကာအဆင့်မီ ပန်းတနော်ငါးမွေးမြူရေးဇုန်မှာ လုပ်ငန်းရှင်တွေသာမက ဝန်ထမ်းတွေ၊ အရင်းအနှီးထည့်လိုသူတွေ ကိုယ်တိုင် လာမယ့် ဇွန်လမှာအစုရှယ်ယာဝင်နိုင်တယ်လို့ မြန်မာနိုင်ငံငါးလုပ်ငန်းအဖွဲ့ချုပ်က ဖိတ်ခေါ်ထားပါတယ်။ ပန်းတနော်ငါးမွေးမြူရေးဇုန်ရဲ့ရည်ရွယ်ချက်ကတော့ ဒီဇုန်ထဲမှာ ငါးတန်တွေကို မွေးမြူထုတ်လုပ်ပြီး  တရုတ်နိုင်ငံနဲ့ အမေရိကန်နိုင်ငံကို တင်ပို့ဖို့ဖြစ်ပါတယ်။ လက်ရှိမှာတော့ စီမံကိန်းနယ်မြေမှာ ငါးကန်တစ်ရာတူးထားပြီး ငါးကန်တစ်ကန်ကို အစုရှယ်ယာတစ်ခုစီ ခေါ်ယူမှာဖြစ်ပါတယ်။ ဒီငါးမွေးမြူရေးဇုန်ကိုလည်း မြန်မာနိုင်ငံငါးလုပ်ငန်းအဖွဲ့ချုပ်က Global Earth ဆိုတဲ့ အများပိုင်ကုမ္ပဏီထောင်ကာ ဆောင်ရွက်နေတာဖြစ်ပြီး ဒီစီမံကိန်းမှာလုပ်ငန်းရှင်တွေထက် အသေးစားလုပ်ငန်းလုပ်လိုသူတွေ၊ ဝန်ထမ်းပြည်သူတွေကို ဦးစားပေး အစုရှယ်ယာ ခေါ်ယူမယ်လို့ သိရပါတယ်။

ဒီလုပ်ငန်းကို သေချာလေ့လာပြီးမှ ဆောင်ရွက်တာဖြစ်လို့ ပြည်သူတွေနဲ့ စိတ်ချယုံကြည်ပြီး ရှယ်ယာထည့်ဝင်နိုင်တယ်လို့ မြန်မာနိုင်ငံငါးလုပ်ငန်းအဖွဲ့ချုပ်ရဲ့ အကြီးတန်း ဒုတိယဥက္ကဋ္ဌက ပြောပါတယ်။အစုရှယ်ယာတစ်ခုကို ကျပ်သိန်းတစ်ထောင်နဲ့ အစုတစ်ရာခေါ်ယူမှာဖြစ်ပြီး ငါးမွေးမြူရေးလုပ်ငန်းကို ပြည်သူအများစိတ်ဝင်စားလာအောင် အသေးစား၊အလတ်စားလုပ်ငန်းရှင်တွေနဲ့ ဝန်ထမ်းတွေကို ဦးစားပေးခေါ်ယူသွားမှာပါ။ ရင်းနှီးမြှုပ်နှံလိုသူတွေအနေနဲ့ ကျပ်သိန်း (၅၀)ပဲတတ်နိုင်ရင်လည်း ကျပ်သိန်းတစ်ထောင်ပြည့်အောင်လူစုပြီး အစုရှယ်ယာတစ်ခုဝယ်ကာ ငါးမွေးမြူရေးကန်တစ်ကန်ကို ဦးစီးဆောင်ရွက်ရမှာဖြစ်ပါတယ်။ အဲ့ဒီငါးမွေးကန်မှာတော့ငါးတန်ကို Global Earth အများပိုင်ကုမ္ပဏီကချမှတ်ထားတဲ့ စည်းကမ်းတွေအတိုင်းမွေးမြူရမှာဖြစ်ပြီး လိုအပ်တဲ့ငါးသားပေါက်၊အစာတွေအတွက်  အသေးစား၊အလတ်စားလုပ်ငန်း (SME) ချေးငွေ ထုတ်ပေးမယ်လို့သိရပါတယ်။ပန်းတနော်မြို့နယ်က မြေဧကကိုးရာပေါ်မှာဆောင်ရွက်လျက်ရှိတဲ့ ငါးမွေးမြူရေးဇုန်ကိုလာမယ့်နှစ်အတွင်းအပြီးသတ်မှာဖြစ်ပြီး ငါးကန်တစ်ရာစတင်မွေးမြူမှာဖြစ်ပါတယ်။ အစုရှယ်ယာကိုလည်း တစ်ရာခေါ်ထားပြီး လာမယ့်နှစ် ဇွန်လမှာ အမြတ်ပြန်ရမယ်လို့သိရပါတယ်။ အမြတ်ကတော့ မိမိထည့်ဝင်ထားတဲ့ အစုရှယ်ယာတန်ဖိုးရဲ့ (၁၅) ရာခိုင်နှုန်းကိုခံစားရမှာဖြစ်ပါတယ်။

 

 

Related News