ပြည်တွင်းရွှေဈေးမြင့်တက်လာမှုကြောင့် ရွှေတုံး၊ ရွှေခဲ ၀ယ်ယူစုဆောင်းသူနည်းပါးလာတယ်လို့ရွှေဘုံသာလမ်းက ရွှေဆိုင်အချို့ရဲ့ပြောကြားချက်အရသိရပါတယ်။ကမ္ဘာရွှေဈေးမတည်ငြိမ်မှုတွေကြောင့် ပြည်တွင်းမှာရွှေဈေးဟာ တရိပ်ရိပ်မြင့်တက်နေပြီး  နောက်ပိုင်းမှာရွှေအတုံးအခဲ ၀ယ်ယူစုဆောင်းသူနည်းပါးလာကာ ဒီဇိုင်းဆန်းလက်ဝတ်ရတနာတွေကိုပန်းထိမ်လာအပ်ပြီး ပြုလုပ်လာတာတွေများလာတယ်လို့သိပါတယ်။ သကြန်ကာလအပြီး က ပြည်တွင်းရွှေဈေးက အခေါက်ရွှေတစ်ကျပ်သားကို ကျပ်ဆယ်သိန်းသုံးသောင်းကျော်သာရှိပြီး အဲ့ဒီအချိန်ကစပြီး ပြည်တွင်းရွှေဈေးက တရိပ်ရိပ်မြင့်တက်လာခဲ့ရာ လက်ရှိမှာ ပြည်တွင်းရွှေဈေးက အခေါက်ရွှေတစ်ကျပ်သားကို ငွေကျပ်ဆယ်သိန်းလေးသောင်းငါးထောင် အထိတရိပ်ရိပ်မြင့်တက်လာတာဖြစ်ပါတယ်။

ဒီလိုပြည်တွင်းရွှေဈေးမြင့်တက်လာမှုကြောင့် ရွှေဝယ်ယူသူတွေအနေနဲ့ တစ်ပဲသား၊ (၅)မူးသားရွှေထည် ပစ္စည်းတွေကိုသာဝယ်ယူကြပြီး ယခင်လိုရွှေအတုံးအခဲ ၀ယ်ယူစုဆောင်းသူတွေ နည်းပါးလာတယ်လို့ သိရပါတယ်။ပြည်တွင်းရွှေဈေး တရိပ်ရိပ်မြင့်တက်လာရတာက ကမ္ဘာ့ ရွှေဈေးလည်းတက်လာသလို ပြည်တွင်းဒေါ်လာဈေးကလည်းတစ်ဒေါ်လာကို ငွေ (၁၅၃၂)ကျပ်ထိ မြင့်တက်လာတာကြောင့် ပြည်တွင်းရွှေဈေးတက်လာရတာ ဖြစ်တယ်လို့သိရပါတယ်။ မနှစ်က (၂၀၁၈) တုန်းကတော့ သင်္ကြန်ကာလအပြီး မေလပိုင်းမှာ အရောင်းအ၀ယ်ကောင်းနေပေမယ့် ယခု (၂၀၁၉)ခုနှစ်မှာတော့ သင်္ကြန်ကာလပြီးကတည်းကအရောင်းအ၀ယ်အေးနေတယ်လို့ သိရပါတယ်။မေလ(၂၈)ရက်အတွက် ပြည်တွင်းရွှေဈေးက အခေါက်ရွှေတစ်ကျပ်သားကို ငွေကျပ်ဆယ်သိန်းလေးသောင်းငါးထောင်ရှိပြီး (၁၅)ပဲရည်တစ်ကျပ်သားကို ငွေကျပ် ကိုးသိန်းလေးသောင်းငါးထောင်ပေါက်ဈေးရှိနေပါတယ်။

 

 

Related News