စတော့စတင်တည်ထောင်ပြီးနောက်ပိုင်း ၂၀၁၈ ခုနှစ်ဟာ အရောင်းအ၀ယ်ဖြစ်မှု အနည်းဆုံးကာလ ဖြစ်ခဲ့ပါ တယ်။ ရန်ကုန်စတော့အိတ်ချိန်းရဲ့အချက်အလက်တွေအရ သုံးနှစ်အတွင်း ရှယ်ယာအရောင်းအ၀ယ်ဖြစ်မှု ပမာဏအနည်းဆုံးဖြစ်ခဲ့ပါတယ်။ ရန်ကုန်စတော့အိတ်ချိန်း စတင်တည်ထောင်တဲ့ ၂၀၁၆ ခုနှစ်မှာတော့ တစ်နှစ်အတွင်းရှယ်ယာပေါင်း ၂သန်းခွဲ ၊ ပမာဏအားဖြင့် ကျပ်ဘီလီယံ ၇၀ ကျော်အရောင်းအ၀ယ်ဖြစ်ခဲ့သလို ၊ ၂၀၁၇ခုနှစ်မှာလည်း ရှယ်ယာပေါင်း ၂.၇သန်း ၊ ပမာဏအားဖြင့် ကျပ် ၂၂ဘီလီယံကျော် အရောင်းအ၀ယ်ဖြစ်ခဲ့ပေမယ့် ၂၀၁၈ မှာတော့ နိုဝင်ဘာလကုန်အထိ အချက်အလက်တွေအရ ရှယ်ယာပေါင်း ၂.၈သန်း ၊ ပမာဏအားဖြင့် ကျပ် ၁၃ဘီလီယံ နီးပါးသာ အရောင်းအ၀ယ်ဖြစ်ခဲ့တာ ဖြစ်ပါတယ်။

ရန်ကုန်စတော့အိတ်ချိန်းစတင်တည်ထောင်စဉ်ကတည်းက ၂၀၁၇ ခုနှစ် နှစ်ကုန်အထိ ရှယ်ယာအရောင်းအ၀ယ် အကောင့် ပြုလုပ်ထားသူ (၃၃၀၀)ကျော်ရှိခဲ့ပေမယ့် ၂၀၁၈ခုနှစ်အတွင်းမှာတော့ အရောင်းအ၀ယ်ပြုလုပ်ဖို့ အကောင့်သစ်ဖွင့်သူက (၃၀၀)ကျော်သာရှိခဲ့ပါတယ်။ လက်ရှိမှာတော့ ဒီထဲက အကောင့်(၃၀၀)နဲ့ (၅၀၀)ကြားသာ နေ့စဉ်အရောင်းအ၀ယ်ပြုလုပ်နေကြတယ်လို့သိရပါတယ်။၂၀၁၈အတွင်း ရန်ကုန်စတော့အိတ်ချိန်းမှာ ထပ်ရောက်လာတဲ့ကုမ္ပဏီတစ်ခုသာရှိခဲ့ပြီး အဲဒါကတော့ TMH တယ်လီကွန်း အများပိုင်ကုမ္ပဏီဖြစ်ပါတယ်။

ဒါပေမယ့် တစ်ရက်နှစ်ချိန်အရောင်းအ၀ယ်ကနေ လေးကြိမ်အထိ ၂၀၁၈မှာ တိုးမြှင့်နိုင်ခဲ့ပြီး အွန်လိုင်းအရောင်းအ၀ယ်ကိုလည်း ဖော်ဆောင်နိုင်ခဲ့ပါတယ်။၂၀၁၉မှာ ရန်ကုန်စတော့အိပ်ချိန်းအတွက် အဓိကရည်မှန်းချက်ကတော့ နိုင်ငံခြားသားတွေပါ ရှယ်ယာအရောင်းအ၀ယ် စတင်ခွင့်ပြုနိုင်ဖို့ဖြစ်ပါတယ်။ မြန်မာကုမ္ပဏီဥပဒေသစ်အရ ရန်ကုန်စတော့အိတ်ချိန်းမှာရှိတဲ့ ကုမ္ပဏီတွေမှာ နိုင်ငံခြားသားရှယ်ယာ(၃၅)ရာခိုင်နှုန်းအထိ ပါဝင်နိုင်မှာဖြစ်ပါတယ်။

လက်ရှိမှာဒါကို အစိုးရဘက်ကို ခွင့်ပြုချက် တင်ထားပြီး ပြင်ဆင်မှုတွေ အပြီးသတ်နေပြီလို့ သိရပါတယ်။ရန်ကုန်စတော့အိတ်ချိန်းမှာ လက်ရှိကုမ္ပဏီ(၅)ခုရဲ့ ရှယ်ယာတွေကို အရောင်းအ၀ယ်ပြုလုပ်နိုင်မှာ ဖြစ်ပါတယ်။ ၂၀၁၆ ခုနှစ်မှာ FMI နဲ့ MTSH ၊ ၂၀၁၇မှာ ပထမပုဂ္ဂလိကဘဏ်နဲ့ ၂၀၁၈မှာ TMH စတဲ့ အများပိုင်ကုမ္ပဏီငါးခုက စာရင်းဝင်ကုမ္ပဏီအဖြစ်ဝင်ရောက်ထားတာဖြစ်ပါတယ်။ 

 

 

Related News