မြန်မာနိုင်ငံရဲ့ လယ်ယာကဏ္ဍဖွံ့ဖြိုးတိုးတက်ရေးမှာ အရေးပါတဲ့ မျိုးစေ့ကဏ္ဍ ဖွံ့ဖြိုးတိုးတက်ရေးနဲ့ တောင်သူတွေအတွက် မျိုးစေ့တွေအကြောင်းပိုမိုသိရှိစေဖို့အင်တာနက်ဝက်ဆိုက်ဒ်တစ်ခုကို စိုက်ပျိုးရေးဦးစီး ဌာနကလွှင့်တင်ပေးခဲ့တယ်လို့ သိရပါတယ်။

မျိုးစေ့ဆိုင်ရာ ၀က်ဆိုက်ဒ်ပထမဆုံးအကြိမ်လွှင့်တင်ခြင်းအခမ်းအနားကို နေပြည်တော်မှာရှိတဲ့ Grand Amara Hotelမှာ ဒီဇင်ဘာလ(၁၁)ရက်ပြုလုပ်ခဲ့တာဖြစ်ပါတယ်။ အဲ့လိုအင်တာနက်ဝက်ဆိုက်ဒ်ကို  လွှင့်တင်ရတာဟာ တောင်သူတွေအနေနဲ့ မျိုးစေ့တွေနဲ့ပတ်သက်တဲ့ သတင်းအချက်အလက်တွေပိုမိုရရှိစေဖို့ရည်ရွယ်လုပ်ဆောင်ခဲ့တာဖြစ်ပြီး တောင်သူတွေအပြင် မျိုးစ့တွေကိုထုတ်လုပ်နေတဲ့ပြည်တွင်းပြည်ပလုပ်ငန်းရှင်တွေအနေနဲ့ လုပ်ဆောင်ရမယ့်အချက်အလက်တွေကို သိရှိနိုင်စေဖို့အတွက်လည်း ပါဝင်တယ်လို့ စိုက်ပျိုးရေးဦးစီးဌာန ညွှန်ကြားရေးမှူးချုပ် ဒေါက်တာရဲတင့်ထွန်းကပြောပါတယ်။

ယခုလွှင့်တင်ခဲ့တဲ့ မျိုးစေ့ဆိုင်ရာ ၀က်ဆိုက်ဒ်မှာ ကနဦးအနေနဲ့ မျိုးစေ့ဆိုင်ရာအမျိုးသား ကော်မတီ ကခွင့်ပြုထားတဲ့ ပြည်တွင်းမှာထုတ်လုပ်ဖြန့်ဖြူးနေတဲ့ မျိုးစေ့(၅၀၀) နီးပါးရဲ့နာမည်တွေနဲ့မျိုးစေ့အကြောင်း တွေကို ဖော်ပြထား တယ်လို့သိရပါတယ်။ တောင်သူတွေအနေနဲ့ တရားဝင်ထုတ်လုပ်ထားတဲ့ မျိုးစေ့ ဟုတ်မဟုတ်စစ်ဆေးတာတွေလုပ်ဆောင်နိုင်ဖို့အတွက်လည်း အဆိုပါမျိုးစေ့တွေ ကိုထုတ်လုပ်နေတဲ့ ကုမ္ပဏီတွေရဲ့ အကြောင်း တွေကိုလည်းတစ်ပါတည်းဝက်ဆိုဒ်မှာဖော်ပြထားတယ်လို့ သိရပါတယ်။

ဒါ့အပြင်မျိုးစေ့တွေကို အသိအမှတ်ပြုလက်မှတ်တွေလျှောက်ထားတဲ့အခါနဲ့ စမ်းသပ်စိုက်ပျိုးဖို့ လျောက်ထားတဲ့အခါ လုပ်ဆောင်ရမယ်အဆင့်တွေကိုလည်းအလွယ်တကူသိရှိနိုင်စေဖို့ဖော်ပြပေးထားတယ်လို့သိရပါတယ်။ အဆိုပါဝက်ဆိုဒ်မှာသုံးလတစ်ကြိမ်ပြုလုပ်တဲ့ မျိုးစေ့ဆိုင်ရာအမျိုးသား ကော်မတီအစည်းအဝေးကနေရရှိလာတဲ့ ဆုံးဖြတ်ချက်တွေ၊ပြုပြင်ဆောင်ရွက်နေမှုတွေကိုလည်းဖော်ပြပေးထားမယ်လို့စိုက်ပျိုးရေးဦးစီးဌာန ညွှန်ကြားရေးမှူးချုပ် ဒေါက်တာရဲတင့်ထွန်းကပြောပါတယ်။အဆိုပါမျိုးစေ့နဲ့ပတ်သက်တဲ့ဝက်ဆိုဒ်ကို www.myanmarseedportal.gov.mm ဆိုပီးရိုက်နှိပ်ရှာဖွေနိုင်တယ်လို့သိရပါတယ်။

 

 

Related News