လယ်ယာကဏ္ဍဖွံ့ဖြိုးတိုးတက်ဖို့အတွက် မြန်မာနိုင်ငံလယ်ယာစီးပွားရေးအများပိုင်ကော်ပိုရေးရှင်း၊ ဂျပန်နိုင်ငံ(Mitsui)မစ်ဆူရီ နဲ့ ဂျာမဏီနိုင်ငံက   (Behn Meyer)ဘန်မီယာတို့ ပူးပေါင်းတည်ထောင်တဲ့   Agri First ဓာတ်မြေသြဇာ စက်ရုံကို အောက်တိုဘာ(၁၀)ရက်က သီလ၀ါအထူးစီးပွားရေးဇုန်(အေ)မှာ ဖွင့်လှစ်ခဲ့ပါတယ်။

မြန်မာနိုင်ငံမှာ Agri First ဓာတ်မြေသြဇာစက်ရုံကို တည်ထောင်ဖွင့်လှစ်နိုင်တဲ့ အတွက်  ပြည်ပနိုင်ငံက ဓါတ်မြေသြဇာ တင်သွင်းတာကို လျှောချ နိုင်မှာ  ဖြစ်တယ်လို့ သိရပါတယ်။ စက်ရုံက ထုတ်လုပ်တဲ့ ဓာတ်မြေသြဇာတွေကို ပြည်ပက တင်သွင်းတဲ့ ကုန်ကြမ်းတွေနဲ့ ထုတ်လုပ်ထားပြီး စိုက်ပျိုးမယ့် မြေအမျိုးအစားအလိုက်၊ ရာသီဥတုအမျိုးအစားအလိုက် ကိုက်ညီမှုရှိစေပြီး စိုက်ပျိုးမယ့်သီးနှံတွေအလိုက် အချိုးအစားရောစပ်ထုတ်လုပ်ပေးထားတယ်လို့ သိရပါတယ်။

Agri First ဓာတ်မြေသြဇာစက်ရုံမှာ ၀င်ရောက်လုပ်ကိုင်နေတဲ့ဝန်ထမ်းတွေက တောင်သူတွေကို ဓာတ်မြေသြဇာအသုံးပြုတာတွေနဲ့ပတ်သက်ပြီး နည်းပညာပေးတာတွေလည်းပြုလုပ်သွားမယ်လို့သိရပါတယ်။ ကြံ၊ရာဘာ၊ဆီအုန်း တို့လို မြေဧကအမြောက်အများ အသုံးပြုရတဲ့ စိုက်ပျိုးရေးလုပ်ငန်းတွေကိုတော့ စိုက်ပျိုးတဲ့   ခြံရှင်တွေထံ  ဓါတ်မြေသြဇာတွေ တိုက်ရိုက်ရောင်းချသွားမှာဖြစ်ပြီး ပုံမှန်အသုးံပြုနေတဲ့ တောင်သူတွေအတွက်တော့ ကိုယ်စားလှယ်တွေက တစ်ဆင့် ရောင်းချပေးသွားမယ်လို့ သိရပါတယ်။

Agri Firstဓာတ်မြေသြဇာစက်ရုံကို အမေရိကန်ဒေါ်လာ(၁၀)သန်း ရင်းနှီးမြှုပ်နှံထားပြီး တစ်နှစ်ကို ဓာတ်မြေသြဇာတန်ချိန် တစ်သိန်းဝန်းကျင်ထုတ်လုပ်သွားမှာလို့ သိရပါတယ်။  ဓာတ်မြေသြဇာတွေကို  ပိုမိုအရည်အသွေးပိုမိုကောင်းမွန်အောင် ဆောင်ရွက်သွားမှာဖြစ်သလို  မြန်မာနိုင်ငံ အထက်ပိုင်းဒေသတွေမှာလည်း ဓါတ်မြေသြဇာနဲ့ပတ်သက်ပြီး ရင်းနှီးမြှုပ်နှံမှုတွေ ဆက်လက်ပြုလုပ်သွားမယ်လို့သိရပါတယ်။

 

 

Related News