မန္တလေးတိုင်းဒေသကြီးအတွင်းက စီးပွားရေး နဲ့ ရင်နှီးမြှုပ်နှံမှုဆိုင်ရာအခွင့်အလမ်းတွေကို ပြည်တွင်းပြည်ပက လုပ်ငန်းရှင်တွေ သိရှိစေဖို့အတွက်  Mandalay Business Forum 2018 ကို နိုဝင်ဘာလမှာ ကျင်းပပြုလုပ်သွားမယ်လို့ အောက်တိုဘာလ၁၀ရက်က မန္တလေးမြို့ Mandalay Convention Center မှာပြုလုပ်တဲ့ သတင်းစာရှင်းလင်းပွဲက သိရပါ တယ်။ ဒီဖိုရမ်ကို မြန်မာနိုင်ငံရင်းနှီးမြှုပ်နှံမှုကော်မရှင်၊ စီးပွားရေးနှင့်ကူးသန်းရောင်းဝယ်ရေးဝန်းကြီးဌာန၊ မန္တလေးတိုင်း ဒေသကြီးအစိုးရအဖွဲ့၊ မန္တလေးတိုင်းဒေသကြီးရင်းနှီးမြှုပ်နှံမှုကော်မတီ နှင့် New Starlight Group Of Compai nes တို့ ပူးပေါင်းကျင်းပမှာဖြစ်ပါတယ်။

Mandalay Business Forum 2018 မှာ မန္တလေးတိုင်းဒေသကြီး အတွင်းက ရင်းနှီးမြှုပ်နှံမှုလုပ်ငန်းတွေ၊ ကုန်သွယ်ရေးလုပ်ငန်းတွေ၊ ခရီးသွားလာရေးဆိုင်ရာအခွင့်အလမ်းတွေနဲ့ မြန်မာနိုင်ငံရင်းနှီးမြှုပ်နှံမှုဥပဒေ၊ နည်းဥပဒေ၊ လုပ်ထုံးလုပ်နည်းတွေကိုသိရှိနားလည်စေဖို့ အပြင် မြန်မာနိုင်ငံ ရင်းနှီးမြှုပ်နှံမှုကော်မရှင်နဲ့ မန္တလေးတိုင်းဒေသကြီးရင်းနှီးမြှုပ်နှံမှုကော်မတီကို အဆိုပြုလွှာ၊ အတည်ပြုလွှာတွေ လျှောက်ထားရာမှာ လုပ်ဆောင်ရမယ့်လုပ်ငန်းအဆင့်ဆင့်ကိုနားလည်လာစေဖို့ ရည်ရွယ်ပြုလုပ်တာဖြစ်တယ်လို့သိရပါတယ်။

Mandalay Business Forum 2018 မှာ မန္တလေးတိုင်းဒေသကြီးက ထွက်ကုန်တွေကိုပြသမယ့်ပြခန်းတွေ၊ မကြာခင်မှာအကောင်အထည်ဖော်မယ့်စီမံကိန်းတွေအကြောင်းသတင်းအချက်အလက်တွေ မြို့သာစက်မှုဇုန်၊ မြို့သစ်စီမံကိန်း၊ ခရီးသွားလုပ်ငန်းတွေနဲ့ပတ်သက်တဲ့ရှင်းလင်းတင်ပြခြင်းအစီအစဉ်တွေ ပါဝင်မယ်လို့ သိရပါတယ်။

ဖိုရမ်မှာ ပြည်တွင်းပြည်ပက စီးပွားရေးလုပ်ငန်းရှင်တွေနဲ့ စီးပွားရေးကဏ္ဍအလိုက်တွေ့ဆုံဆွေးနွေးနိုင်မယ့် အခွင့်အလမ်းတွေရရှိနိုင်မယ်လို သိရပါတယ်။။မန္တလေးစီးပွားရေးဖိုရမ်ကို နိုဝင်ဘာလ ၉ရက်မှာ မန္တလေးမြို့ Mandalay Convention Center(MCC) မှာ ကျင်းပပြုလုပ်သွားမှာဖြစ်ပါတယ်။ ဖိုရမ်ကိုတက်ရောက်လိုတဲ့ စီးပွားရေးလုပ်ငန်းရှင်တွေအနေနဲ့ www.mandalaybusinessforum.com မှာအခမဲ့ မှတ်ပုံတင်နိုင်တယ်လို့ သိရပါတယ်။ ကျင်းပမယ့် ဖိုရမ်မှာ နိုင်ငံတကာက ကုန်သည်ကြီးအသင်းတွေနဲ့ ရင်းနှီးမြှုပ်နှံမှုအဖွဲ့အစည်းတွေက ပြည်ပဧည့်သည် ၂၀၀ဦးနဲ့ မြန်မာနိုင်ငံက လုပ်ငန်းရှင်  ၅၀၀ တက်ရောက်မယ်လို့ ခန့်မှန်းထားပါတယ်။ 

 

 

 

Related News