ရန်ကုန်တိုင်းဒေသကြီး သန်လျင်နဲ့ကျောက်တန်းမြို့နယ်အတွင်းတည်ရှိတဲ့သီလ၀ါအထူးစီးပွားရေးဇုန်ကို လက်ရှိ အချိန်ထိ ရင်းနှီးမြှုပ်နှံမှု အမေရိကန်ဒေါ်လာ သန်း(၁၂၀၀)နီးပါး ၀င်ရောက်ထားပြီးဖြစ်တယ်လို့ သိရပါတယ်။ သီလ၀ါ အထူးစီးပွားရေးဇုန်ကိုတော့ အပိုင်းလိုက်ဖော်ဆောင်နေတာဖြစ်ပြီး ပြီးစီးသွားပြီဖြစ်တဲ့ ဇုန်(အေ)ရဲ့ (၉၇)ရာခိုင်နှုန်းအထိ ရောင်းချထားပြီးဖြစ်သလို လက်ရှိဖော်ဆောင်နေတဲ့ ဇုန်(ဘီ)ပထမအဆင့်အတွက်လည်း (၆၁)ရာခိုင်နှုန်း ရောင်းချပြီး ဖြစ်တယ်လို့ သိရပါတယ်။

သီလ၀ါအထူးစီးပွားရေးဇုန်တစ်ခုလုံးအတွက် ဖော်ဆောင်မယ့်ဧရိယာကတော့ ဟက်တာ(၂၄၀၀)ဖြစ်ပြီး ဇုန်(အေ)မှာတော့ ဟက်တာ(၄၀၀)ရှိပြီး အခု ဆက်လက်ဖော်ဆောင်နေတဲ့ ဇုန်(ဘီ)က ဟက်တာ (၇၀၀)ရှိပါတယ်။  ဇုန်(ဘီ)ကိုတော့ အဆင့်သုံးဆင့်ခွဲပြီး ဖော်ဆောင်နေတာဖြစ်ပြီး လာမယ့် ၂၀၁၉ -၂၀၂၀ မှာ ပြီးစီးမှာ ဖြစ်ပါတယ်။မြန်မာ-ဂျပန်အစိုးရချင်းပူးပေါင်းဆောင်ရွက်တဲ့ သီလ၀ါအထူးစီးပွားရေးဇုန်ကိုတော့  မြန်မာအစိုးရက (၁၀)ရာခိုင်နှုန်းနဲ့ သီလ၀ါအများပိုင်ကုမ္ပဏီ(MTSH) က (၄၁)ရာခိုင်နှုန်း ရင်းနှီးမြုပ်နှံထားတာ ဖြစ်ပါတယ်။MTSH ကိုတော့ အများပိုင်ကုမ္ပဏီ(၉)ခု အပါအ၀င် ရှယ်ယာရှင် တစ်သောင်းခုနှစ်ထောင်ကျော်က ပိုင်ဆိုင်ထားတာ ဖြစ်ပါတယ်။

လက်ရှိသီလ၀ါအထူးစီးပွားရေးဇုန်အပြင် ကျောက်ဖြူအထူးစီးပွားရေးဇုန်နဲ့ရေနက်ဆိပ်ကမ်း၊ ကချင်ပြည်နယ် မြစ်ကြီးနားအထူးစီးပွားရေးဇုန်တွေမှာ ပါဝင်ရင်းနှီးမြုပ်နှံနိုင်ဖို့ အကျိုး ဖြစ်နိုင်ချေတွေကို လေ့လာနေတယ်လို့လည်း ကုမ္ပဏီဘက်က ပြောပါတယ်။သီလ၀ါအထူးစီးပွားရေးဇုန် အများပိုင်ကုမ္ပဏီ(MTSH) ကိုတော့ ၂၀၁၃ခုနှစ်က စတင်တည်ထောင် ခဲ့တာ ဖြစ်ပါတယ်။ လက်ရှိမှာ ရန်ကုန်စတော့အိပ်ချိန်းရဲ့ စာရင်းဝင်ကုမ္ပဏီတစ်ခုအဖြစ်ရှိနေပြီး အခုနှစ်မှာတော့ ရှယ်ယာတစ်စုကို (၂၃၀)ကျပ်အမြတ်ခွဲဝေပေးခဲ့ပါတယ်။ 

 

 

Related News