ရန်ကုန်တိုင်းဒေသကြီးအတွင်း ပြည်သူတွေအတွက် ရန်ကုန်တိုင်းဒေသကြီးတိုက်ခန်း၊ အိမ်ရာပိုင်ဆိုင်မှုဥပဒေအပါအဝင် ဥပဒေ(၆)ခုခန့် ပြဋ္ဌာန်းဖို့ ရှိနေတယ်လို့ ရန်ကုန်တိုင်းဒေသကြီးလွှတ်တော် ဥပဒေကြမ်းကော်မတီထံက သိရပါတယ်။ ရန်ကုန်ုတိုင်းဒေသကြီးအတွင်း အများပြည်သူတွေကို ဥပဒေနှင့် အညီ အကာအကွယ်ပေးနိုင်ဖို့ ခံစားခွင့်တွေရရှိစေမယ့်  ဥပဒေတွေပြဋ္ဌာန်းပေးနိုင်ရေး တိုင်းဒေသကြီးအစိုးရနဲ့ လွှတ်တော်တို့က စီစဉ် ကြိုးပမ်းလုပ်ဆောင်နေပြီး လက်ရှိမှာ တိုင်းဒေသကြီးအတွက် ဥပဒေ(၆)ခုခန့်ပြဋ္ဌာန်းနိုင်ရေးအတွက် မူကြမ်း၊ ဥပဒေကြမ်းတွေ ရေးဆွဲလုပ်ဆောင်နေတယ်လို့ သိရပါတယ်။ 

ဒီဥပဒေ(၆)ခုကတော့ ရန်ကုန်တိုင်း ဒေသကြီး အလံနှင့်တံဆိပ်ဥပဒေ၊ ရန်ကုန်တိုင်းဒေသကြီး ကုန်တင်ကုန်ချအလုပ်သမားဥပဒေ၊ ရန်ကုန်တိုင်းဒေသကြီး ရေချိုငါးလုပ်ငန်းဥပဒေ၊ ရန်ကုန်တိုင်းဒေသကြီးတိုက်ခန်း၊ အိမ်ရာပိုင်ဆိုင်မှုဥပဒေ၊ ရန်ကုန်တိုင်းဒေသကြီး အသေးစားအလတ်စားလျှပ်စစ်ထုတ်လုပ်ဖြန့်ဖြူးရေးဥပဒေ၊ ရန်ကုန်တိုင်းဒေသကြီးအိမ်တွင်းစက်မှုလက်မှု ဥပဒေတွေဖြစ်တယ်လို့ ဥပဒေကြမ်းကော်မတီ အတွင်းရေးမှူး ဦးဝင်းမောင်ကပြောပါတယ်။ ရန်ကုန်တိုင်းဒေသကြီးတိုက်ခန်း၊ အိမ်ရာပိုင်ဆိုင်မှုဥပဒေနဲ့ ရန်ကုန်တိုင်းဒေသကြီး အသေးစားအလတ်စားလျှပ်စစ်ထုတ်လုပ်ဖြန့်ဖြူးရေးဥပဒေတို့ကတော့ အသစ်ရေး ဆွဲပြဋ္ဌာန်းမယ့် ဥပဒေတွေဖြစ်ပြီး ကျန်ဥပဒေတွေကတော့ ပြန်လည် ပြင်ဆင်ရေးဆွဲမှာဖြစ်တယ်လို့ပြောပါတယ်။

ဒီဥပဒေတွေပြဌာန်းနိုင်ဖို့ လက်ရှိမှာရန်ကုန်တိုင်းဒေသကြီးရေချိုငါးလုပ်ငန်းဥပဒေ၊ ရန်ကုန်တိုင်းဒေသ ကြီး  ကုန်တင်ကုန်ချအလုပ်သမားဥပဒေ၊ ရန်ကုန်တိုင်းဒေသကြီးအလံနှင့်တံဆိပ်ဥပဒေ   စတဲ့(၃)ခုကတော့ ဥပဒေကြမ်းရေးဆွဲနေတဲ့ အဆင့်ရောက်ရှိနေပြီး လာမယ့်တိုင်းဒေသကြီးလွှတ်တော်ပုံမှန်အစည်းအဝေးတွေမှာ တင်း သွင်းနိုင်အောင် ကြိုးပမ်းလုပ်ဆောင်နေတယ်လို့ပြောပါတယ်။ ရန်ကုန်တိုင်းဒေသကြီးတိုက်ခန်း၊အိမ်ရာပိုင်ဆိုင်မှုဥပဒေ၊ ရန်ကုန်တိုင်းဒေသကြီး အသေးစားအလတ်စားလျှပ်စစ်ထုတ်လုပ်ဖြန့်ဖြူးရေးဥပဒေ၊ ရန်ကုန်တိုင်းဒေသကြီး အိမ်တွင်းစက်မှုလက်မှုဥပဒေတွေကတော့  မူကြမ်းရေးနေဆွဲနေပြီဖြစ်တယ်လို့သိရပါတယ်။

ဥပဒေတွေနဲ့ ပတ်သက်လို့ သက်ဆိုင်ရာလွှတ်တော်ကော်မတီတွေ၊ ဌာနဆိုင်ရာတွေ၊ လုပ်ငန်းရှင်၊ လုပ်သားတွေ ပူးပေါင်းပြီး လုပ်ဆောင်သွားမှာဖြစ်တယ်လို့ သိရပါတယ်။ ဒီလိုဥပဒေတွေ ပြဋ္ဌာန်းနိုင်ဖို့  ကွင်းဆင်းလေ့လာစစ်ဆေးတာတွေ၊ ဥပဒေတွေအတွက် အချက်အလက်စုဆောင်းတာတွေကို လုပ်ဆောင်နေပြီးဖြစ်တယ်လို့ သိရပါတယ်။

 

 

Related News