ကုမ္ပဏီဥပဒေသစ်အရ မြန်မာနိုင်ငံသားကုမ္ပဏီတွေမှာ နိုင်ငံခြားသားရှယ်ယာ(၃၅)ရာခိုင်နှုန်းအထိ ပါဝင်ခွင့်ပြုလိုက်ပေမယ့် ဒီထဲက ပုဂ္ဂလိကဘဏ်တွေကတော့ ပူးပေါင်းလုပ်ကိုင်မယ့် နိုင်ငံခြားကုမ္ပဏီတွေ ရဲ့ ရှယ်ယာထည့်ဝင်မှုနဲ့ ပတ်သက်ပြီး ဗဟိုဘဏ်ရဲ့ သဘောတူညီချက်ယူရမယ်လို့ သိရပါတယ်။ လက်ရှိမှာ ပြည်တွင်း ပုဂ္ဂလိကဘဏ် (၂၄)ခုဝန်းကျင်ရှိနေပြီးဗဟိုဘဏ်ဟာ ပြည်တွင်းဘဏ်တွေကို စီစစ်ထိန်း ကျောင်းတဲ့ တာဝန်ရှိ တာကြောင့် နိုင်ငံခြားရှယ်ယာ ပါဝင်မှုနဲ့ ပတ်သက်လို့ ဘဏ်တွေအနေနဲ့ ဗဟိုဘဏ်ရဲ့ ခွင့်ပြုချက်လိုအပ်တာဖြစ်တယ်လို့ ရင်းနှီးမြှုပ်နှံ မှုနှင့် ကုမ္ပဏီ များ ညွှန်ကြားမှု ဦးစီး ဋ္ဌာန ညွှန်ကြားရေးမှူးချုပ် ဦးအောင်နိုင်ဦးကပြောပါတယ်။ ၂၀၁၇ ဒီဇင်ဘာ(၆)ရက်နေ့က အတည်ပြုပြဋ္ဌာန်းခဲ့တဲ့ မြန်မာနိုင်ငံကုမ္ပဏီများဥပဒေသစ်ဟာ လာမယ့် သြဂုတ်လ (၁)ရက်နေ့မှာ စတင် အသက်ဝင်မှာလည်း ဖြစ်ပါတယ်။

တစ်ဖက်မှာလည်း ရန်ကုန်စတော့အိတ်ချိန်းမှာရှိတဲ့ အများပိုင်ကုမ္ပဏီ ဘဏ်တွေအတွက်ကတော့ ကုမ္ပဏီဥပဒေသစ် စတင်ချိန်မှာ အခက်အခဲမရှိအောင် စီစဉ်နေတယ်လို့ငွေချေးသက်သေခံလက်မှတ်လုပ်ငန်းကြီးကြပ်ရေး ကော်မရှင် (SECM) ထံ ကသိရ ပါတယ်။လက်ရှိစေတာ့အိတ်ချိန်းမှာတော့ မြန်မာနိုင်ငံသားများဘဏ်၊ပထမပုဂ္ဂလိကဘဏ် တို့ရှိနေပြီး FMI အောက် မှာလည်း ရိုးမဘဏ်ကလည်း ပါဝင်နေတာဖြစ်ပါတယ်။

သြဂုတ်လ(၁)ရက်နေ့ ကုမ္ပဏီဥပဒေသစ်အသက်ဝင်ပြီးနောက် စာရင်းဝင်ဘဏ်ရှယ်ယာတွေ ရောင်းဝယ်ရာမှာ အဆင်ပြေအောင် DICA (ဒိုင်ကာ)၊ ဗဟိုဘဏ်တို့နဲ့ အခုလအတွင်း ညှိနှိုင်းမှာဖြစ်ပြီး ငွေချေးသက်သေခံလက်မှတ်လုပ်ငန်းဥပေဒနဲ့ ဗဟိုဘဏ် ရဲ့Finicial Institution Law နှစ်ခုကြား အဆင်ပြေနိုင်အောင် လုပ်ဆောင်မယ်လို့ သိရပါ တယ်။ လက်ရှိကျင့်သုံးနေတဲ့ မြန်မာနိုင်ငံကုမ္ပဏီများဥပဒေမှာတော့ နိုင်ငံခြားသားရှယ်ယာ ပါဝင်မှု ၁ရာခိုင်နှုန်း အထက် ရှိပါက နိုင်ငံခြား ကုမ္ပဏီ အဖြစ် သတ်မှတ်တာဖြစ်ပါတယ်။ကုမ္ပဏီဥပဒေဟောင်းအရ တရားဝင်မှတ်ပုံတင်ထားတဲ့ ကုမ္ပဏီခြောက်သောင်းဝန်းကျင်ရှိနေပြီး ဥပဒေသစ်မှာ ကုမ္ပဏီမှတ်ပုံတင်ခြင်းကို အွန်လိုင်းစနစ်ကျင့်သုံးမှာဖြစ်လို့ ဒီကုမ္ပဏီ တွေအနေနဲ့ ခြောက်လအတွင်း ပြန်လည်မှတ်ပုံတင်ရမှာ ဖြစ်ပါတယ်။

 

 

Related News